#شجع_مصر: تمنيات بالفوز وسخرية من هزيمة المنتخب السعودي
#شجع_مصر: تمنيات بالفوز وسخرية من هزيمة السعودي و"الصب في المصلحة"
وتنوعت المشاركات بين تشجيع الفريق المصري والسخرية من هزيمة نظيره السعودي بخماسية نظيفة والخوف من المصير نفسه، ولم ينس المصريون الخوف من "صب في المصلحة" من قبل النظام الحالي أثناء الانشغال بالمباراة.
وغردت مو النجار: "نسيب السف على الكبسة ونكثف الدعاء لمصر بقى.. يا رب أجبر خاطرنا وكسبنا وربحنا. #شجع_مصر".
وسخرت دعاء من هزيمة السعودية: "#شجع_مصر التاكسي اللي جاي من الدمام عليه خميسة من قدام دافع براحتك يا عم كوبر انت الصح".
Twitter Post
|
وتمنى آخر: "أنا طول عمري وأنا بـ #شجع_مصر نفسي هي تشجعني مرة واحدة". وتوقع رسام الكاريكاتير إسلام جاويش: "الصب في المصلحة مقترن بماتش الجمعة، لو خسرنا هتبقى على خفيف، لو كسبنا هتبقى الدابل، لو اتعادلنا.. هتبقى الدابل عادي برضه".
ودعا صاحب حساب "أمير المصريين": "اصحوا للحكومة وقت الماتش ليغفلونا #حان_الآن_موعد_الصب_في_المصلحة". وتمنت نغم طلعت: "إن شاء الله مصر وتونس والمغرب هيصعدوا والعاقة السعودية مش هتصعد. #شجع_مصر".
وغرد ياسر عصام: "#شجع_مصر.. بكرة بعد الماتش ميعاد الصب في المصلحة يعني ده آخر ماتش يا برنس هتحجز فيه الكرسي بعشرة ج في القهوة، ولو كنت بتدفع مشاريب 20 هيبقوا 35، ماتقولش ايه اديتنا ماااسر قول هندي ايه لماااسر، البسوا عشان أيام سوده جاية! #روسيا_السعودية".
وحاول صاحب حساب "قلاشنجي" رسم الخطة: "إن شاء الله بكرة العيد وأول ماتش لمصر في كأس العالم عايزين نقسم نفسنا ناس تتفرج ع الماتش وناس تراقب الحكومة علشان الصب في المصلحة".
بدوره، غرد كيمو: "#روسيا2018.. اللهم وفق جميع المنتخبات العربية مصر وتونس والمغرب ما عدا السعودية. #شجع_مصر". وتمنت هوما دياب: "استرها علينا يا رب بكرة ومنتفضحش فضيحة السعودية. #روسيا_السعودية #شجع_مصر #المونديال".
وعبرت تقى عن مخاوفها بعد هزيمة المنتخب السعودي الثقيلة: "ومصر محتاجة ايه بعد ماتش النهاردة بين السعودية وروسيا؟ -الستر!- ايه؟ الستر والله وكل شيء هيعدي.. #مصر_أوروجواي #شجع_مصر".
Twitter Post
|
