وزير يتبرع لـ"تحيا مصر": "التعليم في وطن ضايع"

وعلقت دينا الحناوي: "وزير التعليم طارق شوقي يتبرع بفائض ميزانية التعليم لصالح صندوق تحيا مصر! أصله كان وارث الوزارة مكتوبه باسمه ويعمل ايه التعليم في بلد ضايع! يا عم ايه بلد عالم سمسم دي، في حاجه كده في الدنيا!؟".

وفي محاولة للفهم كتبت، عزة مطر: "وزير التعليم يتبرع بفائض ميزانية التعليم 209 مليون ج لصندوق تحيا مصر.. التعليم محقق فائض يعنى يا إما ما بتصرفوش يا أما بتدفعوا التلامذة تذاكر كل يوم فى الطابور".

وعن جزء من أزمة التعليم في مصر، كتب عبدالحفيظ طايل: "2066 منطقة في مصر محرومة تماما من المدارس بجميع مراحلها، نتج عن ذلك موت 7 أطفال غرقا لأنهم يذهبون الى مدرسة بعيدة عن قريتهم بتوكتوك 3 اشقاء من أسرة و2 من أسرة اخرى وطفلين اخرين، لكن وزير التعليم لديه فائض ميزانية يتبرع به لصندوق تحيا مصر. وانا اللي باخرب التعليم ومنتظر المحاكمة".

وعن المدرسين، علق فهيم الناصح: "وزير التعليم طارق شوقي منع المدرسين من اي زيادة ومنع مكافأة الامتحانات اللي كانوا بيخدوها المدرسين بس مش عشان يزود البنية التحتية ولا عشان يطور المدارس لا اطلاقا ده عشان يتبرع لصندوق تحيا مصر بـ 209 مليون جنيه وقال ايه فائض التعليم اللي هو ينطبق عليه المثل بتاع اراك توزع من مال امك"، في إشارة لجملة شهيرة على لسان الفنان محمد هنيدي.

ومستعيداً تصريحاً سابقاً للسيسي، كتب محمد رأفت: "وزير التعليم طارق شوقي يتبرع بفائض ميزانية التعليم (209 مليون جنيه) لصندوق تحيا مصر، واخد بالك انت التعليم اللى الطلبة بيقعدوا ع الارض ومفيش كراسي مكفياهم والفصول مزدحمة واللي متزيل الترتيب في جودة التعليم بين دول العالم واللي ليل ونهار بنادي ان الدولة تطوره وتكتر ميزانيته بقي عنده فائض وبيتبرع بيه لصندوق منعرفش فلوسه بتروح فين!!!، فعلا والله يعمل ايه التعليم لوطن ضايع ما هي دي عقلية رئيس وحكومة".