السيسي يُخيّر المصريين بين بناء الدولة والبطاطس... "فيلسوف البلح"
السيسي يُخيّر المصريين بين بناء الدولة والبطاطس... "فيلسوف البلح"
ارتفع سعر البطاطس بشكل قياسي (أحمد اسماعيل/الأناضول)
سخرية شديدة استقبل بها رواد مواقع التواصل الاجتماعي، الاختيار الذي قدمه لهم الرئيس المصري، عبد الفتاح السيسي، بين بناء البلد أو أكل البطاطس، حيث قال في إحدى فعاليات منتدى شباب العالم المقام بشرم الشيخ: "عاوزين تبنوا بلادكم ونبقى بلد ذات قيمة ولا هندور عالبطاطس اللي بقت ب 12 ولا 13 جنيه؟".
ورد سعيد النجار على السؤال: "السيسي: عايزين تبقوا دولة ذات قيمة ولا ندور على البطاطس؟ مش عارف أجيبهالك ازاي؟؟!! أنا عايز أهاجر".
وعلق الناشط الحقوقي شريف عازر: "مبارك: أنا أو الفوضى.. السيسي: أنا أو البطاطس".
وغرد محفوظ عبد الحليم: "هذا الشخص لا يشعر بالمصريين.. يتحدث عن البطاطس كأنها ترفيــه!".
Twitter Post
|
وتعجب مصطفى من السؤال: "السيسي: عايزين ندور على البطاطس ولا نبقى دولة ذات قيمة؟ لا حضرتك إحنا عاوزين مكرونة بشاميل.. إيه اللي دخل البطاطس في بناء دولة قوية؟؟ هى البطاطس خلاص بقيت من المحظورات! حد يشد المايك من المجنون ده".
وأكد السنباطي: "السيسي النهاردة بيقول تبنوا بلدكم ولا تاكلوا بطاطس.. أنا عن نفسي بحب البطاطس". واتفقت معه هبة علي: "-السيسي: عايزين تبقوا دوله ذات قيمة ولا ندور على البطاطس.. ودي عايزة كلام .. البطاطس طبعاً".
وقالت فضيلة ندير: "السيسي: مش هنطلع العلاوة السنة دي.. عايزين تبنوا بلدكم ولا هندور على البطاطس.. وهو انت فارق معاك البطاطس بكام ولا البنزين بكام!!! أنت هدومك وعربياتك وأكلك وشربك وسكنك وكل ماتتمناه على قفانا!! #احنا_الشعب_الغلبان
#السيسي_كذاب_وخائن".
وأشارت مريم: "#السيسي_كذاب_وخائن.. البطاطس بقت تصنف ضمن الطبقة العليا يعني اللي بيشتري بطاطس يبقى من علية القوم". ولفت علاء فارس المعروف بـ"سي الأفندي": "ولما السيسي شايف إن البطاطس مش مهمة ازاي كان عايز يحل مشكلة البطالة بعربيات الخضار! فعلا طلع فيلسوف البلح".
ورد أحمد بدوي على السيسي: "السيسي: عاوزين تبقوا دولة ذات قيمة واللا ندور على البطاطس؟.. وهو فيه دولة ذات قيمة شعبها مش لاقي البطاطس يا بلحة!".
Twitter Post
|
Twitter Post
|
