#الشعب_عايز يتحرر من الخوف ويسقط نظام السيسي

دشن رواد مواقع التواصل الاجتماعي وسم "#الشعب_عايز"، للتعبير عن مطالب الشعب المصري التي لم تختلف كثيراً عن مطالبه خلال ثورة 25 يناير/كانون الثاني عام 2011. وتصدر إسقاط حكم العسكر ونظام الرئيس عبد الفتاح السيسي هذه المطالب.

كتب حساب "وضوح": "‏‎#الشعب_عايز يتحرر من الخوف اللي بيزرعوه في نفسه من بدري".

وسخر صاحب حساب "عسل أسود": "‏‎#الشعب_عايز... مش عايزه حاجة... تعليم 100%... صحة 100%..؟ كل حاجة رخيصة وزاي الفل.. وأهم حاجة أحسن من سورية والعراء (العراق)... بلاش طمع هتاكلوا مصر يعني".

وغرد أحمد دكروري: "‏اللي حصل في يوم ميلاد السيسي من شتايم ومعارضة ضخمة وغير مسبوقة لعسكري مصر، دليل على أن ‎#الشعب_عايز يرجع العسكر ثكناتهم ويقود دفته بنفسه بعد سنوات القهر والذل والعذاب".

وقالت سناء السيد: "‏الشعب عايز يحاسب اللي باع أرض مصر ويسترد كل شبر فرط فيها ومنها تيران وصنافير... عايز يحاسب اللي قتل أهالينا في سينا عشان يتمم صفقة القرن ويتنازل عن القضية الفلسطينية... فلسطين قالت كلمتها صفقة القرن تحت جزمتها... المصريين لسه مقالوش كلمتهم ولسه البيادة فوق رقبتهم. #الشعب_عايز يسقط الانقلاب".

وغرد صاحب حساب "حلم": "‏‎#الشعب_عايز. حق شهداء ثورة يناير".

وكتب حساب "بكار": "‏‎#الشعب_عايز.. بلد حرة ورئيس منتخب محترم وممثلين عنه بجد مش ممثلين عليه".

وأكد سامح شحاتة: "‏‎#الشعب_عايز... ثورة تشيل ما تخلي".

وطالب طارق: "‏‎#الشعب_عايز يعرف حقا واحدا من حقوقه كإنسان... مكافأة كبيرة لمن يقول لنا حق واحد للمواطن المصري الغلبان".

وذكرت حور: "‏‎#الشعب_عايز من يحنو عليه".

من ناحيتها، طالبت ريحانة: "‏‎#الشعب_عايز إسقاط النظام كاملا وليس تكرار غلطة ثورة 25 يناير من إسقاط رأس النظام فقط... ولكن إسقاط نظام ممتد من الدولة العميقة واجتثاثها من الجذور دون إسقاط الدولة".