سخرية من مقولة السيسي "يومين وهامشي وأروح عند ربنا"

السيسي: يومين وهامشي وأروح عند ربنا ومغردون: يارب يعدوا

19 يناير 2018
تمنّى المصريون أن تكون ساعة استجابة (Getty/ تيبولت كاموس)
+ الخط -
ضمن حملة "حكاية وطن"، لرصد أربع سنوات حكم سابقة والاستعداد لأربع سنوات مقبلة، قال الرئيس المصري، عبد الفتاح السيسي: "كلها يومين وهامشي وأروح عند ربنا خدوا بالكم من بلدكم"؛ وهو ما فتح باب السخرية على مواقع التواصل الاجتماعي.  


وداعياً بالاستجابة كتب مصري: ‏‎"السيسي للمصريين: يومين وهمشى هروح عند ربنا.. خلوا بالكوا من بلدكم، يارب اليومين يعدوا".

وعلّقت أمنية: ‏"سميرة سعيد لازم تعمل أغنية للسيسي وتسميها قال ماشي بعد يومين". وغرد مدحت شلبي: "‏مبارك: الكفن مالوش جيوب، السيسي: أنا يومين وماشى، المواطن: آه يا ولاد الو***".

ومكملاً النصيحة، كتب مارك اسطيفانوس: ‏"عينيكم على بلدكم .. أنا يومين وهمشي .. هروح عند ربنا.. متنسوش تطفوا الأنوار وتقفلوا الشيش، خدوا الزبالة وأنتم نازلين".

وغرّد محمد الصنهاوي: ‏"لا يا اسطى يومين ايه؟! ما تمشيها 9 ساعات ونخلص الله لا يسيئك".

وكتب مجدي كامل: "‏يا رب تكون أبواب السما مفتوحة ويستجيب ربنا وتروح عنده، فمحكمته لا ظلم فيها ولا واسطة ولا حكم بالتليفون". 

وفي تفسير خاص، كتب بوخومار: "‏السيسي: يومين وهمشي أروح عند ربنا / إللي هو يعني مش ماشي إلا علي جثتي إعقلوا الكلام".

دلالات

المساهمون