محافظ آخر يطالب المصريين بصيد الكلاب... الهياتمي يعود
محافظ آخر يطالب المصريين بصيد الكلاب... الهياتمي يعود
(إد جونز/فرانس برس)
حالة من السخرية انتشرت على مواقع التواصل من أحدث اقتراحات اللواءات المحافظين لحل مشاكل محافظاتهم المصرية. فقد أعلن محافظ البحر الأحمر اللواء أحمد عبدالله عن فكرته لحل مشكلة الكلاب الضالة، فقال: "اللي هيصطاد 5 كلاب ويسلمها هياخد 100 جنيه".
وسخر ناشطو التواصل من اقتراح المحافظ والهدف منه، دون الالتفات إلى الأسباب التي أبداها في تصريحات صحافية عن تعقيم الكلاب، فعادت روح المحافظ السابق للسويس، اللواء أركان حرب أحمد الهياتمي، صاحب تصريحات "الرياح الشمالية الشرقية وتصدير الكلاب لحل مشكلة الدولار".
وتساءل صاحب حساب "حداد عليكي يا مصر": "محافظ البحر الأحمر: "اللى هيصطاد 5 كلاب ضالة ويسلمها هياخد 100 جنيه، هما هيعملوا ايه بالكلاب دي؟ مفروم ولا كبده ولا لحم قطع؟".
وقال أسامة ساخراً: "تمن الطلقة الواحدة ما يقلش عن خمسة وعشرين جنيه، كدة العملية هتيجي بخسارة".
وغرد أحمد خاطر: "محافظ البحر الأحمر: اللى هيصطاد 5 كلاب ضالة ويسلمها هياخد 100 جنيه! طبعًا لو عرفت إن المحافظ يبقى لواء قد الدنيا مش هتستغرب".
واقترح مارفل: "محافظ البحر الأحمر: اللي هيصطاد 5 كلاب ضالة ويسلمها هياخد 100 جنيه، طب ما يفكر برة الصندوق، يعني ممكن فتح سلسلة مطاعم هوهو أو كلابو هيكسب أكتر".
وانتقد محمد محمود مرسي الفكرة بقوة: "محافظ البحر الأحمر: اللى هيصطاد 5 كلاب ضالة ويسلمها هياخد 100 جنيه!! يعني سيادتك هتستلم جثة الكلب جاهزة ب 20 جنيه؟! لا والله كدا العملية تبقى واقفة علينا بخسارة، طيب فين العدل حضرتك لما تستلموا مننا الكلب مقتول وجاهز بعشرين جنيه، وتفرموه وتبيعوه لمحلات الحواووشي بـ 500 جنيه؟".
وكتب أنس دنقل: "برافو محافظ البحر الأحمر .. حل مشكلة البطالة والاستثمار والسياحة في المحافظة.. اللي يصيد خمس كلاب ياخد ميت جنيه.. افرحوا وزقططوا".
| Facebook Post |
