#حابب_أقول_للريس: "مصر دولة عسكرية دستورها البلح"
الكاتب الصحافي وأحد المؤيدين السابقين للسيسي، مأمون فندي، غرّد "إذا كانت انتخابات الرئاسة في مصر مضمونة للرئيس السيسي فلماذا الانتخابات إذاً؟ وبما أن السيسي شباب نسبياً، وحيبقى معنا شوية، ما تعملوه ملك وخلاص!"، وأضاف "أنا لا أمزح، اعملوه ملك في ملكية دستورية وتروح لابنه من بعده، عشان بس نشوف نور في آخر النفق المنيل ده. عيب مصر تكون بدون بوصلة".
ورد عليه هيثم: "احنا نعملها ملكية عسكرية، والسلطة تصبح لأبناء المؤسسة العسكرية وتحيا مصر تلات مرات"، وسخرت حليمة "السيسي معمول له عمل على كرسي الرئاسة، وخبراء فك الأعمال يؤكدون أن العمل هيتفك خلال 30 سنة! #قول_نكته_تاخد_فولورز".
Twitter Post
|
وغردت نجوان: "بعد الكلام عن تعديل الدستور ومد فترة الرئاسة لـ 6 سنين، الحلوين اللي عايزين يترشحوا قدام السيسي ويعملوا انتخابات نزيهة وكده عاملين ايه دلوقت؟".
وفسر صاحب حساب "مصري" التعديل المقترح: "اقتراح بتعديل دستوري لمدة الرئاسة لتصبح 6 سنوات مع حذف جملة (لا يجوز إعادة انتخابه إلا لفترة واحدة) لضمان استمرار السيسي ودباباته في الحكم".
وكتب سامح: "والله حاجة كويسة، نمد فترة الرئاسة لـ 6 سنوات عشان السيسي مخدش فرصة كافية لتدمير البلد... 6 سنوات عشان يجيب عاليها واطيها #حابب_أقول_للريس".
Twitter Post
|
ووجّه جلال نصيحة: "حبوا السيسي يا جماعة عشان في تعديل في الدستور لمواد الرياسة وشكلهم مش هيقفوا على 5 سنين... حبوه أحسن ما يجيلنا الضغط كتير، تويته (تغريدة) في حب الريس".
ونشر الناشط حازم عبدالعظيم خبر التعديل المقترح مع تصريح رئيس البرلمان عن تعديل الدستور، وعلق: "حط الصورتين تشم ريحة طبيخ قذرة. نظام بجح شكل برلمان منبطح للرئيس، وفرط في تيران وصنافير، لا يتورع عن مد فترة الرئاسة للجنرال أبو فوبيا #مصر".
ولم يكتف رواد مواقع التواصل الاجتماعي بهذا التفاعل، واختطفوا وسم "#حابب_أقول_للريس" الذي دشنه المؤيدون، ووصل لقائمة الأكثر تداولاً، وقلبوه مناهضاً له.
وغردت فاطمة: "تعديل دستور ايه بس؟ احنا بالصلاة عالنبي نعمل دستور جديد... مصر دولة عسكرية رئيسها السيسي والبلح هو المصدر الرئيسي للتشريع! #حابب_أقول_للريس".
وقالت المغردة "فرعونة": "#حابب_اقول_للريس، بيقولوا الريس صرف لكل مواطن 15 جنيه على البطاقة، أنا محتارة أشتري بيهم يخت في مارينا ولا أحطهم في بنك مانهاتن، وأهو استثمار بردك".
وخالفهم أبوحبيبة "#حابب_اقول_للريس، لانعترف بك"، وقال رضا "#حابب_اقول_للريس، أقسم بالله أنا عندي كلام يخلي الحكومة تحبسني".
Twitter Post
|
