المصريون وتصريحات السيسي عن #تيران_وصنافير: "خلصانة بشياكة"

في تحد واضح لأحكام القضاء، ولكل المصريين الرافضين لاتفاقية ترسيم الحدود بين مصر والسعودية، وتنازل البرلمان عن جزيرتي تيران وصنافير، قال الرئيس المصري عبدالفتاح السيسي "الموضوع خلص ومايصحش كده".

وتناسى السيسي أحكام القضاء: "الدول تدار بالقانون وليس الأهواء الشخصية والأغراض، ومن حق اللي يرفض يرفض، ومن حق اللي يوافق بس مانخونش بعض".

ورغم تلك الحقوق استدرك قائلاً: "الموضوع خلص ومايصحش كده، هي الناس عمرها ما شافت ناس شرفاء ولا ايه، فيه ناس عندها شرف مابيتبعش، والموضوع خلص وماعندناش حاجة نخبيها"، مضيفاً: "ربنا شايفني وهو اللي هيحاسبني، وماحدش يقدر يخبي عليه حاجة، إن كنت ضيعت هيحاسبني قبل مانتو تحاسبوني".



تصريحات السيسي لم تمر مرور الكرام على الناشطين على مواقع التواصل، رغم انشغالها بمباريات كرة القدم ودراما رمضان، فتفاعلوا مع التصريحات بكم كبير من السخرية والتهكم.
وتعجب أحمد دهشان: "اليوم #الرئيس_الخائن للدستور والقانون، والحانث بيمينه، بيقول بعد حكم قضائي بات، موضوع #تيران_وصنافير انتهى!".

وحذر الدكتور يحىى القزاز: "بعد كلام السيسي أمس عن إن الكلام خلص عن تيران وصنافير، أرى انه يتوجب علينا الانتقال من دائرة القول إلى دائرة الفعل، نحن أمام اغتصاب أرض".
وسخر أحمد من حديث السيسي عن دولة القانون: "اليوم السابع: السيسي عن تيران وصنافير:  الموضوع خلص! طبعا يا ريس أحكام القضاء دي تمشي ع الناس الغلابة لكن ماتمشيش ع سيادتك .. معروفة".

بدوره، سخر هيثم أبو خليل من النواب المعارضين بالبرلمان المصري: "السيسي تعقيبا علي بيع تيران وصنافير الموضوع خلص! طيب حد يقول لنواب برلمان الطراطير إللي رابطين استقالتهم بتصديقه على القرار، إستقيل يا طرطور!". ووافقه "ناشط مش سياسي" فكتب: "السيسي عن #تيران_وصنافير: الموضوع خلص وما عندناش حاجة نخبيها، قالك مستنيين السيسي يصدق على الاتفاقية".

ومن تساؤله عن الشرفاء، سخرت مذيعة ماسبيرو، عزة الحناوي: "السيسى بيحبس الشباب الأحرار المعارضين لبيعه وتفريطه فى الأرض والعرض والشرف.. سيسى :هو أنت عمرك ما شوفت ناس شرفا ولا إيه؟!".

وشارك حساب "شبكة أحرار الإخبارية" بالدهشة من التصريح: "السيسي: هي الناس عمرها ما شافت ناس شرفاء؟ بصراحة عمرنا ماشفنا حد بيقول على الناس الخونة ناس شرفا غيرك". وسخر محمد: "السيسي: خلصانة بشياكة، وأحلى من الشرف مفيش".