السيسي: "المصريين معاهم فلوس كتير"... ومغردون: "مش كنا فقرا؟"

السيسي: "المصريين معاهم فلوس كتير"... ومغردون: "مش كنا فقرا؟"

09 ديسمبر 2017
سخر المغردون من تصريحات السيسي (Getty)
+ الخط -
تداول رواد مواقع التواصل الاجتماعي بسخرية، أمس الجمعة، تصريحات للرئيس المصري، عبدالفتاح السيسي قال فيها إن "المصريين معاهم فلوس كتير"، مذكرينه بقوله في السابق "إحنا فقرا".

أما السيسي فقد حضر "المنتدى السنوي لتجمُع دول السوق المشتركة لشرق وجنوب أفريقيا" (الكوميسا)، متجاهلاً أي ذكر لقضية القدس. وخاطب المستثمرين الأفارقة: "مصر سوق فيه 100 مليون مواطن وفرصة لأن المصريين معاهم فلوس كتير".

وغرد الفلكي أحمد شاهين بـ"حملة رقية للمصريين من عين السيسي": "‏وهنعمل زي بتوع الأفلام وندي واحدة شبشبة أصلي ضد العين من الأسرار ترد عين الحسود في قلبه وعينه، نارت واستنارت قلوب الحاسدين احتارت، الله أشفيك الله أعفيك من العين اللي نظرت ليك، عين الطويلة طويلة، عين القصيرة قصيرة، عين أمك بطالة بطالة، عين أبوك بطالة".

أما "ناشط مش سياسي" فقال: "‏السيسي: المصريين معاهم فلوس كتير! فلوس ايه ما أخدتوا اللي فوق وتحت البلاطة، ده ده أنتم أخدتم البلاطة نفسها"، ودعت ياسمين السيسي للاستقرار على رأي: "‏‎هو احنا مش كنا فقرا قوي بردو ... ما ترسى على بر بقى".

وتعجب رامي: "‏‎#السيسي: المصريين معاهم فلوس كتير!! ايه ده يعني أنا مش مصري؟". وقال أبوالعز: "‏السيسي النهاردة: المصريين معاهم فلوس كتير سواء المستثمرين أو حتى المواطنين العاديين! الراجل ده عبيط جدا #وجه_كلمة_للحكام_العرب".

وكتب مصطفى الجوهري: "#السيسى :المصريين معاهم فلوس كتير. طبعا سيادتك بتحكم على 100 مليون من خلال زحام  ‎#المولات وكده، يا ريت ترجع لحملة مصر ‎#الدفيانة وتشوف البرد عامل ايه للمصريين في أماكن أخرى مفيهاش مولات بس فيها حقيقة للعميان، ان الفقر مش بس سبب للبرد لاء وكمان سبب للجوع".

بدوره، سخر محمد علي: "السيسي بيقول المصريين معاهم فلوس! كتير دا اللي هو (والله يا طنط لسه متغدي قبل ماجي) و هيموت من الجوع!"، ووافقه كريم: "انتوا شعب مكااار عاملين إنكوا فقرا قوي وانتوا معاكوا فلوس كتير! قلعهم ملط يا سيسي #السيسي_خاربها".

وتقمص حسن حمدي دور محمد سعد في أحد الأفلام وقال: "#شرم_الشيخ، -السيسي الشعب المصري معاه فلوس - شافني شاف الـ 92 جنيه المخبيهم تحت المرتبة". وتعجب حاتم حجاب: "#السيسي: #المصريين معاهم فلوس كتير! وربنا إنت لا فاهم حاجة ولا عارف حاجة وسبحان من يؤتي الملك من يشاء وسبحان من ينزعه ممن يشاء #مصر #الجيش_المصري".

في المقابل، احتفى ناشطون بقرار شيخ الأزهر أحمد الطيب، برفض مقابلة نائب الرئيس الأميركي، قائلاً في بيان رسمي: "نرفض الجلوس مع من يزيفون التاريخ ويسلبون حقوق الشعوب ويعتدون على مقدساتهم"، ليصل "شيخ الأزهر"  لقائمة الأكثر تداولاً.


المساهمون