سخرية من القبض على "صاحب نظرية الخرم" بتهمة الإرهاب

سخرية من القبض على إسلام الرفاعي "صاحب نظرية الخرم" بتهمة الإرهاب

21 نوفمبر 2017
(خرم/إنستاغرام)
+ الخط -
شهدت مواقع التواصل الاجتماعي في مصر تضامناً كبيراً مع الناشط إسلام رفاعي الشهير بـ "خرم"، بعد الإعلان عن العثور عليه في محكمة أمن الدولة العليا، لاتهامه "بالانضمام لجماعة إرهابية"، بعد اختفائه منذ عدة أيام. والرفاعي معروف بحساب "صاحب نظرية الخرم"، ويشتهر بتوجهه اللاديني، وحسابه يمتلئ بمحتوى إباحي ساخر، ما جعل ناشطين يسخرون من القبض عليه والتهمة الموجهة له.

ودشن رواد التواصل وسم #خرم_مش_مجرم للتضامن مع إسلام، والذي تصدر قائمة الأكثر تداولا، وسط مشاركات داعمة له وساخطة.

وغرد الناشط حمدي قائلاً: "‏القبض على أكثر شخص هلاس على النت وتحويله أمن دولة واتهامه بالإرهاب حاجة محبطة ومرعبة ودليل إن مفيش حد آمن، عيب والله، #خرم_مش_مجرم".

وعلق المدون حسام العرباوي: "‏أي حد يعرف إسلام (خرم) عارف كويس إنه لا له في الإرهاب ولا السياسة ولا التدين من أساسه!! جماعة إرهابية إيه؟! #الحرية_لإسلام_الرفاعي".

وتضامنت الممثلة الشابة يسرا اللوزي: "‏إسلام الرفاعي ‎@5orm إتمسك يوم الخميس من أمن الدولة واتحجز في مقرهم في التجمع ومتهمينه بقضية انضمام لجماعة إرهابية وحاليا مستنيين عرضه على النيابة، إسلام محتاج دعمكم، #خرم_مش_مجرم".

وشاركها الممثل فتحي عبدالوهاب التضامن وغرد: "‏#خرم_مش_مجرم، اسلام صاحبي الطفل ... الساخر ... الجدع ... مش إرهابي".


أما الحقوقي جمال عيد فأكد "‏ممكن أصدق ان تم أسر قائد الأسطول السادس، ممكن أصدق لو قالوا أحمد موسى إعلامي مهني، ممكن أصدق اننا هنعالج الإيدز بالكفتة، ممكن أصدق اننا هنبني الاقتصاد بالفكة، مش ممكن أصدق أو أفكر ان خرم له في السياسة أو انه منتمي لأي جماعة، #خرم_مش_مجرم".

وغرد المدون وائل خليل: "‏صاحبنا (خرم) اعتقل ومتهم بالانضمام لجماعة إرهابية!! الصراحة لايقة على نظام رائد مقاتل قائد خط الجمبري".

ودافع ستيف نبيل عن رفاعي قائلا: "‏‎يمكن ناس كتير متعرفش خرم في الحقيقة وفاكرينه شبه الإنترنت كده كل حياته قباحة .. بس خرم في الحقيقة من أجدع الناس اللي عرفتها في حياتي كلها وعمره ما اتأخر عن حد قصده في أي خدمة سواء يعرفه أو ميعرفوش .. وعمره ما فكر يأذي حد، اللي يقدر يعمل أي حاجة من فضلكوا ما يتأخرش".

وقال يوسف عن أجهزة الأمن: "‏الحقيقة ان توجيه تهمة الانضمام لجماعة إرهابية دي لواحد زي خرم اسمها عته.. أجهزة الأمن في مصر أجهزة مسعورة بلا عقل #اسلام_الرفاعي_مش_مجرم".


وعبرت "البوب نور" عن دهشتها: "خرم اترحل سجن العقرب شديد الحراسة بعد ما أمن الدولة حقق معاه.. الموضوع خطير فعلاً ومتصعد بشكل محدش فاهمه.. ربنا يتولاه برحمته".

وسخر جيمي: "أهو القبض على "خرم" بتهمة الانضمام لجماعة إرهابية إفيه، عدى إفيهات خرم وقصصه الخيالية كلها!"




المساهمون