سخرية من أسرار جيهان السادات عن الحرب: "مسحراتي أكتوبر"

تعود جيهان السادات لدائرة اهتمام رواد مواقع التواصل الاجتماعي، بالتزامن مع ذكرى حرب أكتوبر/تشرين الأول، إذ تقدمها برامج الإعلام المصري للمشاهد باعتبارها تملك أسراراً جديدة عن الحرب وزوجها الرئيس الراحل أنور السادات، وتدعم الرئيس الحالي عبدالفتاح السيسي، وتهاجم "جماعة الإخوان المسلمين"، فيتصدر وسم يحمل اسمها قائمة الأكثر تداولاً على موقع "تويتر".

وغرد محمد راشد "حد يشوفلنا جيهان السادات هتطلع في التليفزيون امتى تكشف تفاصيل سرية وحصرية عن حرب أكتوبر اللي بقالها 44  سنة يا خونا".

وسخر نديم الشيمي "والآن موعدكم مع أسرار جديدة لانج عن حرب أكتوبر المجيدة بعد 44 سنة من حدوثها، ترويها لكم بعد ما افتكرتها بالصدفة امبارح السيدة جيهان السادات".

وقال أحمد صالح "الموعد السنوي لظهور السيدة جيهان السادات لعرض حقايق وأسرار يتم الكشف عنها لأول مرة عن حرب أكتوبر".

وغرد نادر زماني "‏#جيهان_السادات، ده شهر لم النوئطة بتاع جيهان السادات، شهر الكراسة الصفرا، جيهان السادات بقت شبه المسحراتي تظهر كل سنة شهر أكتوبر".

وخاطبتها عهد: "جيهان السادات، أنا معرفش من غيرك كنت عرفت أخبار حرب أكتوبر من غيرك! يا شيخة انبطشي".

ولخصت شيماء الصورة "#فين_جيش_اكتوبر، هي ذكرى أكتوبر ايه غير شوية احتفالات من ناس ما شاركوش فيها على شوية ذكريات مبتخلصش من جيهان السادات ويومين إجازة للموظف الغلبان".

بدوره، سخر حساب "حمامة بتاع التليفونات": "‏جيهان السادات السنادي هتحكيلنا عن جندي مجهول كان عليه مسكة خرطوم عنب على خط بارليف".

ومن زيارة الفنان محمد رمضان لها وشغفه باقتناء السيارات والطائرات، نشرت ساندي صورة له بصحبة السادات، وقالت "مناسبة أعياد أكتوبر اشتريت جيهان السادات... بحب أشارك جمهوري اللحظات السعيدة".

ومن أشهر سقطاتها أثناء حوار سابق لها مع عمرو أديب، سخر بندق "جيهان السادات: كنا بنسمع الراديو واحنا بنتغدا أثناء ساعة الصفر في حرب أكتوبر، ساعة الصفر دي كانت الساعة 2 الضهر في رمضان! يا لها من فضيحة".

كذلك، سخرت نجوان "أهي جيهان السادات دي عاملة زي الصيني اللي في النيش بيخرجوها في المناسبات وبعدين يرجعوها تاني".

وغردت فاطمة "جيهان السادات بتحكي أسرار #حرب_أكتوبر اللي هي كانت 6 ساعات بقالها أكتر من 40 سنة... حاجة في منتهى الـ مدحت شلبي خاالص".