رغم خروجه من السجن... ناشطون: الحرية لأحمد ماهر

وكتب عيسى مهنئاً "الحمد لله ماهر بات في وسط أهله مش ناسين إللي لفق وإللي حكم وإللي شحتاتنا وهييجي الوقت إللي كله هيتحاسب، صباحكم لسه قادر يصمد". ووافقه حساب باسم "شاي سكر بره" كاتباً "أحمد ماهر على الأسفلت يا بشر، مبروك وعقبال كل المعتقلين".

وعبّر محمد الراعي عن سعادته، فنشر صورة ماهر وسط أصدقائه، وكتب "ماهر في بيته وسط أهله ومراته وولاده أخيراً". وقال أحمد العش "أحمد ماهر على الأسفلت أخيراً، كفارة للجدعان".

وتساءل علي عن موقف ماهر الحالي من الانقلاب "طيب، أحمد ماهر ع الأسفلت، طب يا ترى ما موقفه من السيسي (الرئيس المصري عبدالفتاح السيسي) ومن 30 يونيو، وما تعليقه على (كنت أعلم)؟".

ودافع إبراهيم القفاش عن ماهر لتحمله السجن ظلماً "بالنسبة للناس اللي بتهري كتير في موضوع أحمد ماهر... سعادتك ده اتسجن 3 سنوات وشهر وصبر وتحمل العذاب، وضحّى كتير، سيادتك بقى ضحيت بكام بوست؟ ولا الخيانة سهلة كده ترموا الناس بيها، وبعدين من امتى واحد متعاون ومتخابر مع النظام يتسجن كل المدة دي".

أما الناشط هيثم محمدين فاعتبر أن ماهر لايزال رهن الاحتجاز بسبب الإفراج المشروط، وقال "تقدروا تكتبوا #احمد_ماهر على الأسفلت لمدة 3 سنين، لكن محدش يكتب أحمد ماهر حر لأنه مادام ماهر هيقعد سنة ونص محبوس موزعين على 3 سنين بواقع نص يوم محبوس في القسم، وبما أنه أحمد ماهر تحت المراقبة ومش مسموح له يمارس نشاطه السياسي ولا يقول رأيه بحرية ولا يتنقل بين الأماكن والدول، أحمد ماهر مقيّد الحرية، أحمد ماهر رهن الاحتجاز يومياً".