ساخرون من حل السيسي لجماهير الكرة: واللي أبوه ميت؟!
ساخرون من حل السيسي لجماهير الكرة: واللي أبوه ميت؟!
اقترح "كل والد ينزل مع ابنه" (لويزا غولياماكي/فرانس برس)
وُجد الحل أخيراً لعودة الجماهير إلى الملاعب بشكل كامل، فبعد الشد والجذب في الاقتراحات بين حضور عدد معين طبقاً لاستعدادات وزارة الداخلية وبين المنع الكامل وإغلاق استاد القاهرة، تحدث الرئيس المصري عبدالفتاح السيسي، وطرح الحل: "كل والد ينزل مع ابنه".
قدّم السيسي حلّه الناجع أثناء مؤتمر الشباب الأول، المنعقد منذ أول من أمس في شرم الشيخ، وتفاعل رواد مواقع التواصل الاجتماعي بسخريتهم المعتادة مع الحل المطروح.
علّق حساب باسم "حمامة بتاع التليفونات"، قائلاً: "ويجيب له مصاصة ولبان"، بينما اعتبر حساب "عسكر ف الجيش"، أن الحل دليل على كراهية السيسي لكرة القدم، فكتب: "السيسي في كلامه عن حضور جمهور كورة القدم في المدرجات بيدل أنه لا يفقه شيئا عن الموضوع وبيكره كرة القدم كره العمى".
وسخرت أمنية أبو سعد من "الحل العبقري"، قائلة: "ههههههههه وياخد معاه بامبرز وبيبرونة.... يا دماغك اللي زي المهلبية"، أما "الدبدوب" فتساءل عن الحل إذا كان الأب والابن لا يشجعان الفريق نفسه: "طيب واحد أهلاوي وباباه زملكاوي يعمل إيه؟"، لكن "جعلوني قاسياً" تساءل عن وضع اليتيم في هذا الحل: "طب واللي أبوه ميت يجيب خاله أو عمه؟".
وكتب أحمد رجب: "والله الواحد لو فاضي يكتب مقال كامل عن طريق حل الرئيس للمشاكل انطلاقاً من الجملة دي. دي عقلية كاملة"، واعتبره "توبا" حلاً للحفاظ على الأرواح: "انزل روح مع ابنك الاستاد عشان ما يرجعلكش ميت عبدالفتاح السيسي".
وقال عمر عبدالمجيد: "يا خبتي السودة يانا ياما"، وغرّد هشام الفقي مذكراً بخسارة الزمالك لكأس أفريقيا: "افرض أبويا زملكاوي هخده الاستاد إزاي بعد ما السادسة ضاعت".
أما الدكتور وائل عبده فشبّه تصريحات الرئيس المصري بتصريحات الرئيس الليبي الراحل، معمر القذافي، وغرّد: "نحل مشاكل الجماهير إن العيلة كلها تروح مع بعض تشجع وترجع ويا ريت نمشي حي حي وشارع شارع وزنقة زنقة".
وذكّر عمر أحمد موسى بجرائم الداخلية السابقة بحق مشجعي كرة القدم، وكتب على موقع "فيسبوك": "#السيسي يطرح حلًا لعودة الجماهير: "كل والد ينزل مع ابنه".. اللي وقف يتفرج على الجمهور الأحمر وهو بيتقتل في ماتش في بورسعيد هيقف يتفرج على العيال وأهاليهم وهما يتقتلوا المرة الجاية، واللي قتل 20 مشجعا في أحداث وقعت بالقرب من استاد الدفاع هيقتل 20 كمان زيهم هما وأهاليهم الداخلية ما بتغلبش في المجازر".
محمد نجيب الكشكي سخر من الحل، فكان تعليقه إعادة تغريد لحساب باسم نجاح الموجي: "عشان الجمهور يرجع للمدرجات لازم كل والد ينزل مع ابنه عشان احنا رايحين نتفرج على تصفيات كاس الحضانة ودوري أبطال سبيس تون #رجعوا_الجمهور".
وكتب "غريب في بلاد غريبة" تعليقاً على الواقعة: "يا عم اسكت بقى، حرام عليك اللي بتعمله فينا ده مش كده والله أبدا، أبوس ايدك وايد عيلتك واحد واحد.. اتكلم في حاجة مفيدة بقى".
Twitter Post
|
Twitter Post
|
Twitter Post
|
Twitter Post
|
Twitter Post
|
Twitter Post
|
Twitter Post
|
Twitter Post
|
Twitter Post
|
Twitter Post
|
