ساخرون من كلام السيسي: "بلحة هو العدو"

حضر الرئيس المصري عبد الفتاح السيسي صباح اليوم الخميس، الندوة التثقيفية التاسعة والعشرين للقوات المسلحة في مركز المنارة للمؤتمرات، وشهدت مواقع التواصل سخرية من تصريحاته المتتالية.

معلقا على أحد المشاهد كتب خالد سويدة: "السيسي يبكي متأثرا بحديث أحد مصابي الجيش، على فكرة في 5 شباب زي الورد قتلتهم قوات الأمن بتهمة قتلهم جوليو ريجيني، وهم من قتله براء، دا غير 37 إنسان ماتوا خنقا في سيارة ترحيلات. افتح بموت #الندوة_التثقيفية".

وفي معرض حديثه قال السيسي: "أحداث 2011 علاج خطأ لتشخيص خطأ". فعلّق محمد أشرف: "لولا ثورة 25 يناير ماكنتش هاتبقى إنت بتتكلم دلوقت، ولا كنت هاتبقى رئيس بطل، تلوُّن، مش قبل كده قلت إن ثورة يناير المجيدة والجيش حمى الثورة؟ دلوقتى بقت وحشة؟ #الندوة_التثقيفية".

وأضاف حساب "رجل حر": "#الندوه_التثقيفيه ممكن نختلف على موضوع العلاج الخطأ، لكن التشخيص كان واضح واضح فساد {وما زال}، وسرقة ونهب وما زال، وتوريث وإفقار للشعب وديكتاتور رحل، ليأتي ديكتاتور آخر هذا لا يختلف عليه كل مصري حر".

وعلقت أميرة على تصريح آخر إذ قال: "مش عايز أغلّي الأسعار"، فكتبت: "أمّال اللي بيحصل ده في بلاد العجائب؟".

وأفاد السيسي: "أنا متابع مصر حتة حتة علشان مدخلهاش في الحيط".

فكتب موجة: "#الندوه_التثقيفيه حيط إيه بس، إحنا بتوع الكلام ده؟ إحنا بنقع في بلاعات على طول".

وسخر آخر: "الزيزي: متابع مصر حتة حتة وعندي إرادة القرار عشان ماندخلش في الحيط= بيتكلم من جوه الحيط".

وعن تصريح آخر كتب مغرد: "السيسي للشعب المصري: "هوريكم دولة تانية خالص في 30 يونيو 2020"، من غير 2020 هانعرف إنها دولة تانية يا باشا، مصر خلاص فعلا بقيت دولة تانية من ساعة ما مسكت الحكم، ما بين تقسيم الشعب وتقطيعه على 100 حتة، وما بين فقر وبطالة وخراب ودمار وقروض، وما بين أسعار أوروبا وأمراض وجهل وسط أفريقيا".

وعن تشبيه السيسي للحرب بين مصر والكيان الصهيوني في حرب أكتوبر 73 أنها سباق بين عربة من طراز مرسيدس وطراز سيات، علّق خالد نيويورك: "للأسف أبو خمسين في المية لا يفهم، ويحكم مصر بالقمع والبوليس والتعذيب، (لو راكب عربية سيات وانت راكب عربية مرسيدس وأسبقك متقوليش برافو، قولوا برافو، أيوه كانت الحكاية كدة ولا أستحي أن أقولها الحقيقة كانت هكذا)، ابنك جاهل يا حاج، ده وصْف السيسي لحرب أكتوبر".

وصوّبت رانيا أحد تصريحاته فكتبت: "هو تصحيح بس، العدو مش جوانا! العدو جواك انت... انت العدو يا بلحة".