"#كداب_ياسيسي"... المصريون يفندون ادعاءات الرئيس وكذبه

دشن مغردون مصريون وسم "#كداب_ياسيسي"، للرد على تصريحات الرئيس عبد الفتاح السيسي، خلال كلمته في احتفالية وزارة الأوقاف بمناسبة المولد النبوي، حين ادعى زهده عن منصب الرئاسة، وعدم طمعه في السلطة، بل عدم رغبته في الترشح أصلاً.

وقال السيسي: "كل اللي يعرفني عارف إني عمري ما كدبت، حتى لما كنت في مكان زي مابيقولوا بتوع السياسة محتاج لوع ماكدبتش والنبي محمد كان كده"، ليفند مغردون كذب السيسي في كلمته، ويردوا عليه بالحقائق.

وكتب حساب "ثوري حر": "‏بعد أن فضحته الفضائيات بالكذب يتحدث عن انه صادق. ومين اللي قال والله مالنا طمع في حكم مصر ثم حكمها؟ مين اللي أقسم انه يحافظ على القانون والدستور ثم حنث؟ مين اللي قال اصبروا عليّ سنتين ثم 6 شهور ثم شهرين وان الأسعار ستنخفض؟ #كداب_ياسيسي".

وسخر حساب "قلم رصاص": "‏‎#كداب_ياسيسي.. انت كداب يا ابو صلاح.. انت قولت اننا فقرا أوي وطلع عندنا قصور وليلة كبيرة أوي سعادتك". وغرد عباس: "‏‎#كداب_ياسيسي.. ونعم الزهد قصور ومناصب ودهب ومجوهرات وأهم حاجة في الدنيا الفلوس".

وردت ندى: "‏‎#كداب_ياسيسي.. عرضت على عدلي يترشح ولم أكن أنتوي للترشح بس هما اللي حلفوا عليا.. كداب يا خلف". وعددت ضحى نور: "‏‎#كداب_ياسيسي .. أنا عمري ما كذبت في حياتي.. مصر هتبقى أد الدنيا.. أنا هعمل شبكة طرق تمسك مصر كده اصبروا عليا سنتين وهتتعجبوا لما تشوفوا مصر.. هذا الشعب لم يجد من يحنو عليه وما زال الكذب مستمرا".

ورأى مصطفى: "‏أنا بصراحة مصدق ‎#السيسي انه عمره ما كدب لأنه قالنا ببساطة وبصراحة اللي مايرضيش ربنا احنا معاه بنأيده وندعمه ومن ساعتها معملش أي حاجة ترضي ربنا وأيد ودعم كل حاجة مترضيش ربنا.. كون اننا عبط ومفهمناش ده مش ذنبه. #كداب_ياسيسي".

وغردت فاطمة: "‏السيسي مهاجما الإخوان (يا يحكموا يا يقتلوا.. قلوبهم مريضة) وعشان يحكمونا عملوا محمد محمود 1 ومحمد محمود 2 وماسبيرو وكشوف العذرية ومذبحة المنصة والحرس الجمهوري والنهضة ورابعة ورمسيس 1 ورمسيس 2 .. دا غير القتلى في كل ربوع مصر وخصوصا سيناء التي تنزف يوميا. #كداب_ياسيسي".

وتساءل حمزة: "‏الكداب دائما يحلف ويحلف طيب انت مكنتش عاوز الرئاسة طيب سجنت سامي عنان وأحمد قنصوة وأبو الفتوح وقعدت أحمد شفيق في البيت ليه يا كداب. #كداب_ياسيسي".

وتذكر "إم": "‏مين اللي قال عن سد النهضة اطمنوا وأنا مبعتكومش قبل كدة علشان أضيعكم تاني ثم وقعت على اتفاقية أعطت الحق لإثيوبيا في الاستمرار في بناء السد وأهدرت حصة مصر من الماء؟ ‎#كداب_ياسيسي".

وأكد حساب "الثورة تجمعنا": "لو كنت خايف على البلد فعلا كنت بدل ما عملت قصر تتفشخر به كنت عملت مدارس لولدنا يتعلموا فيها بدل اللي انت هدتها.. ولا عملت مستشفيات يتعالجوا فيها بدل ما الناس بتترمي في الشارع عشان مفيش سرير في المستشفى يناموا عليه انما أنت مش بتفكر في مصلحة البلد. #كداب_ياسيسي".