سخرية من حملة "مفيش زي مصر" لوزيرة الهجرة

صرحت المستشارة الإعلامية لوزارة الهجرة وشؤون المصريين في الخارج مها سالم، أن الوزارة مستمرة في تنفيذ حملة "مفيش زي مصر" التي أطلقتها وزيرة الهجرة نبيلة مكرم، مع المصريين في الخارج خلال زيارتها الأخيرة إلى كندا. والهدف منها إيصال رسالة إلى العالم أن "مصر بلد الأمن والأمان". الحملة تتضمن تسجيل المصريين، سواء في الداخل أو الخارج، فيديو مدته دقيقة للحديث عن انطباعهم عن مصر وما تتميز به عن باقي دول العالم.

الحملة قوبلت بسخرية من المصريين في الداخل والخارج على السواء. فكتب مهاتما كازا: "حملة مافيش زي مصر، لما تبقى مهاجر وترجعلها سائح". وتساءل أحمد شوقي: "مفيش زي مصر في إيه بالضبط؟! التحرش والنظافة والزحام والمواصلات والوشوش الكئيبة". وعلق محمد قنديل: "مفيش زي مصر في انعدام الخدمات الطبية، في انهيار منظومة التعليم، في السرقة المنظمة من الجيش لخيرات مصر". بينما سخر عمرو: "كان المهاجر نفع نفسه".

وكتبت صدفة: "حملة مفيش زي مصر، فعلاً مصر الأولى في الفساد والتلوث". وعلق نافع المصري: "يعني انتوا طفشتونا منها وغربتونا وكرهتونا فيها، وعاوزين نقول مفيش زي مصر؟ لا بقى فيه زي مصر وأحسن من مصر مليون مرة".

وموضحاً كتب صبحي سمير: "ما هو طبعاً مفيش زي مصر، لا في بلد فيها طرق بالوساخة دي، ولا في بلد برضو بتعتبر إن الطرق والكباري إنجازات، إلا مصر ف قشطة بقى". ووجه أسد سؤالاً آخر: "وهو لما مفيش زي مصر، تركوها وهاجروا ليه؟ سياحة مثلاً؟". وبسخرية كتب عبده الديك: "مفيش زي مصر طبعاً، فيها وزيرة الهجرة هددت اللي يعارض النظام بالدبح!".