السيسي "بشوف العجب بإدارة الدولة"... ومغردون يردّون

وقال السيسي "أنا بشوف العجب من الناس في إدارة الدولة"، فعلّق محمد ممتاز: "فعلا.. دا حتى (إدارة الدولة) عايزاني كسيناوي، بعد ما خدمت في الجيش سنه أجيب ما يثبت إني مصري، علشان أسجل بيتي اللي أنا وأهلي عايشين فيه من أكتر من 80 سنة وإلا (إدارة الدولة) هاتعتبر البيت أملاك دولة... ينفع كدا يا أكبر راس في إدارة الدولة؟".

واقترحت منى العشري: "#السيسي: باشوف العجب أثناء إدارة الدولة من الناس... ما تغور وتسيب الدولة!".

وكتب الحقوقي حسام بهجت: "فيه شيء مهم حصل دلوقتي ع التليفزيون ع الهوا، وزير الأوقاف وشيخ الأزهر ألقوا خطبتين عكس بعض تقريبا بالكامل، في حضور السيسي، عن تنقية الأحاديث النبوية، مع تلقيح كلام جامد. طبعا أحمد الطيب أكل الجو بس بيقول متعملوش حسابي معاكم في الموضوع ده".

وأضاف بهجت: "أنكت حاجة في خطبة النهاردة، السيسي قال كل واحد معرفته محدودة بسبب خلفيته، ماحدش عنده الصورة كاملة، يعني مثلا رجل الدين محدود بالدين، والسياسي محدود بالسياسة، والقانوني محدود بالقانون، والاقتصادي محدود بالاقتصاد وابتسم ومكملش. إيه نظام العساكر يا ريس؟".

وعلق عبد العزيز مجاهد: "#السيسي كعادته في خطاب #المولد_النبوي_الشريف هزّأ المسلمين الذين يراهم من وجهة نظرهم كذابين لا يفهمون دينهم والعالم معذور في كراهيتهم، هذا جانب من خطابه".

وسرد محمد غنيم نماذج إسلامية مشرفة، وعلّق "السمعة السيئة هي ما تسبب فيها إدارة حكام ورؤساء الدول الإسلامية بابتعادهم ومخالفتهم للإسلام والحكم بغير ما أنزل الله، السمعة السيئة جاءت من تكرار اتهامات سيادة الرئيس المسلم للإسلام وللمسلمين في كل محفل ومناسبة للمسلمين!!".