"#حق_يوسف رجع": انتصارات صغيرة أم مراوغة من نظام السيسي؟

"#حق_يوسف رجع": انتصارات صغيرة أم مراوغة من نظام السيسي؟

16 مايو 2019
أضربت مروة عن الطعام لأجل حق ابنها يوسف (فيسبوك)
+ الخط -
"لا يضيع حق وراءه مطالب"، هكذا علق رواد مواقع التواصل الاجتماعي في مصر، على نجاح معركة الأمعاء الخاوية التي خاضتها مروة قناوي، اعتراضاً على عدم قيام السلطات بإلقاء القبض على المتهمَين بقتل ابنها يوسف العربي، بطلق ناري، عن طريق الخطأ أثناء حفل زفاف.

ولم تنفّذ الداخلية حكم الحبس سبع سنوات في حقهما، لأنهما ابنا مسؤولين متنفذين بالنظام، فنفذت مروة إضراباً عن الطعام منذ 31 مارس/ آذار الماضي، انتهى بتسليم المتهمين نفسَيهما للسلطات، بعد 45 يوماً.

وكان ناشطون وحقوقيون تضامنوا مع قضية يوسف، ودشنوا وسمي #حق_يوسف و #مروة_مش_لوحدها. وبعد إعلان مروة على صفحتها الشخصية على موقع فيسبوك "انتهى الدرس يا غبي، تم القبض على المتهمين، #حق_يوسف"، اشتعل التفاعل من جديد.


وقال طارق: "‏السوشيال ميديا كل يوم بتثبت قوتها وتأثيرها أكتر وخاصة تويتر لأنه بصراحة في مصر مختلف وكأنه ‎#مسطبة_أهل_البلد بعد العشا وكل الفضايح والمشاكل بتطلع منه تلف البلد كلها وتاني يوم على عينك يا تاجر واللي ما يشتري يتفرج. ‎#حق_يوسف.. القبض على قتلة الطفل يوسف، مروة القناوي ربنا برد قلبها النهاردة".

وغرد محمد عفيفي: "‏المتهمين في قتل الطفل يوسف العربي.. نجل البرلماني والظابط المفصول سلموا نفسهم للشرطة.. لا يضيع حق وراءه مطالب. ‎#حق_يوسف ‎#مروة_قناوي".

وقال محمود أبو بكر: "‏صباح الفل.. لو متابع قضية الطفل يوسف ومروة قناوي، دا أسعد خبر هتسمعه الأسبوع دا، لو مش متابع فالنهارده اتقبض على قتلة الطفل يوسف اللي مات بطلقة في راسه من سلاح في فرح، عشان يتنفذ فيهم حكم السجن سبع سنين بعد إضراب مروة عن الطعام.. ألطف وأقوى أم جابت حق ابنها".

وعبرت رهاب رجائي: "‏انتصارات صغيرة بتدي أمل في الحياة معدومة الأمل اللي احنا عايشينها دي.. #حق_يوسف".

وحذرت سهام عثمان: "‏مفيش حاجة اسمها سلموا نفسهم، في حاجة اسمها حق بينتزع وقضية بقت رأي عام بمجهود الأم، والبطل الوحيد هنا هو أم يوسف وإصرارها ومقاومتها بالروح والجسد، ومحاكمتهم لازم تفضل تحت ضغط شعبي لتحقيق العدل بدل ما نلاقيهم متغرمين 500 جنيه زي حبيب العادلي في الآخر. #حق_يوسف".

ووصفت نورهان: "‏انتصار جماعي فعلا.. الواحد بيتشعبط في أي بصيص أمل ان حد ياخد حقه في البلد دي. ‎#حق_يوسف"، وكتبت ناهد عجبة: "‏نصف التهنئة الآن وبقيتها عند الحكم بالقصاص العادل. ‎#حق_يوسف".

وطالب نبيل: "‏‎#حق_يوسف يرجع لما الحكم يتنفذ .. لما المتهمين يدخلوا السجن بحكم نهائي واجب النفاذ ولا يجوز الطعن عليه، لما يتساوى المتهمين أمام العدالة للعدالة .. مش عشان والدة يوسف عملت ضغط على الداخلية والرأي العام، لازم إعمال دولة القانون والإ يوسف هيكون مجرد استثناء وهيموت أطفال تانيين".

وكان لمحمود المخزانجي رأي آخر: "‏الهاربين سلموا نفسهم النهارده. وطالما بينهم ضابط شرطة، فأكيد ده محصلش غير بعد تطمينات بالعبيط من أسيادهم ان كل ده بلح وهتنتهي على فاشوش. #حق_يوسف".

المساهمون