سخرية مصرية من قرصنة تطبيق watchit المخابراتي

سخرية مصرية من قرصنة تطبيق watchit المخابراتي

29 ابريل 2020
يحتكر التطبيق مسلسلات (لقطة الشاشة)
+ الخط -
إقبال كبير من المصريين في الأيام الماضية على تطبيق "تليغرام"، صاحبه سخرية وشماتة على مواقع التواصل، أدى لوصول عبارة "على التيليجرام" لقائمة الأكثر تداولاً على "تويتر"، نتيجة انتشار مفاجئ، وراءه عملية قرصنة، لقنوات على التطبيق تحوي كل المسلسلات والبرامج الرمضانية التي تنتجها وتحتكرها شركة "سينرجي" (يديرها المنتج، تامر مرسي لصالح أجهزة الرئيس عبد الفتاح السيسي المخابراتية)، والتي حظرتها الشركة نفسها على موقعي "يوتيوب" و"إيجي بيست" هذا العام، في محاولة لتنشيط تطبيق watchit المتعثر منذ رمضان الماضي.

وغرد أحمد نور: "‏منعوا المسلسلات على اليوتيوب عشان يخدوا فلوس.. يقوم المصريين منزلين المسلسلات على التليغرام ببلاش". وشمت كريم العوضي في التطبيق المخابراتي: "‏الراجل اللي عمل القناة على التليغرام اللي بتعرض المسلسلات دي عنده ضمير رهيب، عامل كل مسلسل في غروب لوحده وبينزل الحلقات بكل الجودات عشان تناسب كل الباقات، وامبارح اعتذر عشان أتأخر 10 دقايق عن ميعاد تنزيل الحلقة الجديدة من النهاية، حقيقي الراجل متفاني كأنه بيخرب بيت Watch it".

ولمح أحمد الباز للأجهزة الأمنية: "‏يا باشا بقولك في إقبال شديد أوي أوي على التليغرام ولازم نلم الموضوع شوية على شان الجماعة لو عرفو مش هيسكتو وهيبدأو يحطو شفرات بالراحة يا جماعة telegram".

وسخر أحمد الشحات: "‏ده اللي عامل القنوات اللي على التليغرام ده شكله هيجيب الخراب لنتفلكس كمان". بينما هاجمت ايناس ناصر: "‏نزلوا عندكم أبليكشن تيليغرام ياجماعة .. والله مش هتندموا واللي معندهوش فايته كتير فعلآ .. هتتفرجوا براحتكم .. ولا الحوجة ل watchit وتامر مرسي".
وسخر أسامة: "‏في واحد بينزل كل حلقات المسلسلات على قناة تيليغرام وبكل الجودات وبيعتذر على ان الحلقة اتأخر نزولها عشر دقايق وخلي بتاع watch it يفرح بالبرنامج بتاعه بقا". كما تعجب حسين عادل: "‏شايف كل اللي داخل على تيليغرام جديد عشان يتفرج على المسلسلات من غير ما يشترك في Watch it.. شايفكم.. شايفكم يا جبروتكم التكنولوجي... تيليغرام؟ حولتوا برنامج chat لخيمة رمضانية؟ ده اللي عاملينه غالبا مش مصدقين نفسهم". وتعاطف صاحب حساب "سفير كيميت" مع تامر مرسي ساخرا: "‏بجد حركة تيليغرام دي مش عارف ليه خلتني اتعاطف مع تامر مرسي ... الراجل مبقاش عارف يعمل ايه .. ألهاكرز المصريين فظاااااع".



المساهمون