#رامي_جان ... كارت أذرع السيسي المحروق
(فيسبوك)
سادت مواقع التواصل حالة من الجدل بين الناشطين، عقب ظهور رامي جان، مؤسس حركة "مسيحيين ضد الانقلاب" مع وائل الإبراشي على فضائية "دريم"، بعد أن كتب على حسابه الشخصى على موقع "تويتر" أنه يعمل مع المخابرات المصرية، بهدف التجسس على معارضي النظام في الخارج.
واستقبلت كتائب النظام الإلكترونية إعلان رامي بالتطبيل، لما اعتبرته نصراً للنظام وأجهزته الأمنية، في حين طرح رواد التواصل أسئلة كثيرة عن فجوات في روايته، واعتبر بعضهم أن الأمر لا يستحق الاهتمام، ما أوصل وسم #رامي_جان إلى قائمة الأكثر تداولاً.
وغرد صاحب حساب "بوخمار خنفشار": "#رامي_جان، على فكرة موضوع رامى مش داخل دماغي لأني مش مستوعب ليه كشف نفسه الآن؟ كان ممكن يستمر.. وإزاى كان جاسوس على المعارضة وبدل ما يكرم والدولة تحتفل به.. يرجع يعتذر بالغباء ده على الهواء بسيناريو ركيك تأليف الشئون المعنوية ويبدي ندمه على الشغل معاهم..؟؟ وفى الآخر ميفرقش معايا أصلاً".
وتابع خنفشار: "رامي جان بيقول انه وصل مصر من أسبوع! اسبوع على ما تم الاتفاق على السيناريو والقصة اللي هيطلع يقولها، بداية من تويتات خالتي بتسلم عليك وحتى لقاؤه مع الإبراشي!"، وغرد أحمد: "وطالما كان بيتجسس على المعارضة لمدة 4 سنوات على حد قوله نتمنى يعرض ولو تسريب واحد نتيجة تجسسه".
وقللت سونيا مصطفى من الأمر برمته: "#رامي_جان، ايه يعني رامي جان؟ ايه وزنه في مصر يطلع جاسوس والا معارض والا أي نيلة حتى، آل يعني كان هو اللي هيحرر مصر ومصر ضاعت بعده هههههههه دا كبيره الهشتاج دا اللي اتعمل عليه".
وسخر هواري: "#رامي_جان مين ده اللي اتصدمتوا فيه؟ دانا كنت بعيط من خطب محمد حسان"، وعلق محمد أبو الياسين: "ليه الهيافة دي؟ ليه نحمل الإخوان خيانة #رامي_جان؟ هما الإخوان قعدوه في أسرة ولا ضموه ليهم؟ الصف الثوري بكل أطيافه اتغشوا فيه. #كفايه_هري".
بدوره، تساءل "عبدالملك زرزور" مقارناً بالمذيع طارق عبد الجابر: "السؤال المهم جدآ.. ليه المخابرات قررت تسحب رامى جان الآن؟ لأ وليه بتكشفه كمان مع انه كان ممكن يعمل عيان زي طارق عبد الجابر وتعدي! ده السؤال اللي لازم نلاقي له إجابة! فيلم رامي جان ده من أوله اللي هو من 5 سنين لأخره اللي هو إنهرده مش مقتنع بيه. #رامي_جان".
وسخر "مزانجنجي" مما قاله: "#رامي_جان على دريم مع الإبراشي: كل الموجودين في تركيا عاوزين ينزلوا بس الإخوان هما اللي بيمنعوهم! واخدين منهم البطايق زي رابعة!". وعلق مصطفى: "يعني رأفت الهجان فضل لحد ما مات واسرائيل متعرفش انه جاسوس، وجمعة الشوان رجع ومعاه جهاز التجسس اللي مصر محتاجاه ومش موجود غير مع اسرائيلّ! يقوم #رامي_جان وطارق عبد الجابر يرجعوا وكل اللي في جعبتهم كلام عن الإخوان بنسمعه من أحمد موسى ويقولك خالتي بتسلم عليك! مهنة الجاسوسية لمت وبقت توتوتوتو خالص".
أما "الأفوكاتو" فقال: "#رامى_جان كسب من وراء الإخوان وجاى يغازل النظام علشان يكسب منه هو كمان"، وأكد مهند زيدان: "أغرب حاجتين سمعتهم النهارده.. #ابوتريكة مطلعش ارهابي و#رامي_جان مطلعش اخواني".
