برلمان السيسي يواجه الزيادة السكانية بـ"#رخصة_إنجاب"؟

مغردون: برلمان السيسي يواجه الزيادة السكانية بـ"#رخصة_إنجاب"... "لو خالفت يسحب ابنك؟"

16 أكتوبر 2017
وصل عدد السكان بمصر إلى 104 ملايين (كريس ماكغراث/Getty)
+ الخط -
سخرية شديدة اجتاحت مواقع التواصل بعد تردد أخبار، لم يتم تأكيدها رسمياً حتى الآن، عن نية البرلمان المصري مناقشة قانون جديد، يجعل الإنجاب "برخصة" بعد وصول تعداد السكان لـ104 ملايين، حسب آخر تعداد رسمي.

الخبر نشرته صحيفة "الشرق الأوسط" السعودية، وأكدته مواقع أخرى. وقالت إن الرخصة ستكون بمعدل طفل كل خمس سنوات. وفي حال المخالفة، يتم توقيع الغرامة من خلال وزارة الإسكان ومحكمة الأسرة.

ورغم عدم وجود بيان رسمي حول حقيقة الخبر، لكن دفاع كتائب النظام الإلكترونية عن الفكرة، جعل كثيرا من رواد مواقع التواصل الاجتماعي يصدقونه إلى جانب أنباء من قبل عن نية الحكومة فرض غرامة على من ينجب أكثر من طفلين، وحرمانه من الدعم ومجانية التعليم.

ولم يتوقف طوفان السخرية على مواقع التواصل من "رخصة الإنجاب".



تخيلت رنا حواراً مستقبلياً: "‏_ على جنب يا ابني فين الرخصة _ اتفضل _ دي رخصة السيارة فين رخص العيال والواد ده مش مركب له نمر ليه؟ #شعب_فوضوي #رخصة_إنجاب".

وكتبت إيمي: "‏يعني إيه تاخد رخصة إنجاب طفلين فقط والتالت مخالف!؟ كفاية بقى مسخرة، كفاية نكت وإفشات تتطلع على الشعب المصري ..حاجة تكسف".

وتساءلت إيمان: "‏رخصة إنجاب! وطبعا هيبقى في رسوم لتجديد الرخصة وهنتنغنغ... لا بجد هو الناس دي بتفكر ازاي".


بدورها، شككت شيرين: "‏قالك رخصة إنجاب.. كده كتير علينا يا رب.. حنبقى رعاع وبرخصة؟".

وكتب عمرو: "‏بيقولك حيعملوا رخصة إنجاب! يعني أنت لو سايق في الخلفة بسرعة حتتسحب منك الرخصة ويصادروا العيال".

وعن تفاصيل الرخصة تساءل أمين: "رخصة إنجاب! طب هناخدها من المرور ولا إيه؟!
وهيبقى فية رخصة للتوأم. ولو مثلاً طفل جة بدون رخصة هيترخص عادي ولا هيسحبوا الطفل. دولة الهبل".


وتعجب محام: "‏طيب لما تجيلي قضية إنجاب بدون رخصة، أترافع أقول إيه؟"

وتعجب حسيني: "‏رخصة إنجاب زي رخصة القيادة كده تروح تطلعها تلاقي زحمة ولو مشيت أنت وابنك مُخالف هيسحب الرخص وإبنك".

المساهمون