مصريون لنظام السيسي: #احنا_ثورة_مش_معارضة

مصريون لنظام السيسي: #احنا_ثورة_مش_معارضة

09 ديسمبر 2019
(فريديريك سلطان/Corbis)
+ الخط -
دشن مغردون مصريون وسم #احنا_ثورة_مش_معارضة، للدعوة للثورة على نظام الرئيس عبد الفتاح السيسي، مع اقتراب ذكرى ثورة يناير، وبين الظلم والفساد والقمع والمعتقلين والقصاص، جاءت أغلبية التدوينات على الوسم، مترافقة مع انتقاد الحكم العسكري.

وكتب محمد: "‏الثورة حلم ولازم يتحقق في أقرب وقت لأن كل يوم بعدي تحت حكم الطغاة عار على كل مصري .. تخيل معايا بيموت كام واحد كل يوم في المعتقل.. تخيل كمية الظلم والاعلام الفاسد لتغيب الشعب عن الحقيقة.. تخيل انك ممكن تعتقل عشان منشور في صفحتك أو تتاخد بدون سبب.. ارفع صوتك طمنهم. ‎#احنا_ثورة_مش_معارضة".

وغرد معاذ: "‏لا تترك الميدان للسفهاء.. ما أكثر اليوم الدعاة إلى لظى وأقل من يدعو إلى البيضاء. #احنا_ثورة_مش_معارضة".

في حين حذر صاحب حساب "شاهد عيان": "‏وقت ما يحصل تظاهر جزء من الأمن بيشارك المتظاهرين في التظاهر وبيندس وسط صفوف المتظاهرين ويهتف معاهم وده حصل في ثورة يناير علشان كده لازم المتظاهرين يعرفوا بعض والحرص على عدم وجود أي سلاح مع أحد لأن ده ببساطة بيكون أمن. #احنا_ثورة_مش_معارضة".

وعلق صاحب حساب "سنوحي الثالث عشر": "‏مصر.. انطقها كدة بصوت عالي؟ حسيت بايه؟ ايوة بالضبط كدة.. جوهرة دفنها العسكر في قاذورات البهائم داخل حظيرة الصهاينة.. فهمت يعني ايه. ‎#احنا_ثورة_مش_معارضة".

وأشار محمد رجب: "‏كلنا سجناء .. غير أن فئة منا في زنازين ذات نوافذ.. وفئة لا نوافذ لزنازينها .. #احنا_ثورة_مش_معارضة". وطالبت سلوى عيد: "‏عشان المعتقلين الأبرياء اللي بيدفعوا التمن غالي. #احنا_ثورة_مش_معارضة".
وكتب صاحب حساب "ثائر": "‏‎#احنا_ثورة_مش_معارضة.. هل نحن نطلب ثأرا؟؟ أم أرهقنا فقرا؟؟ أم نحن نطلب مجدا؟؟ أم اغضبنا بناء قصر؟؟ أم أوجعنا حادث قطار؟؟ أم أهلكا حكم عسكر؟؟ أخي.. أختي.. أمي.. أبي.. عمي.. جدي.. خالي.. صديقي.. رفيقي أيها الثائر الحق.. إنه ليس ثأرك وحدك لكنه ثأر جيل وراء جيل.. فثوروا فإن الأرض تحنوا رأسها للثائرين".

كذلك، دعت هبة نعيم: "‏‎#احنا_ثورة_مش_معارضة.. مفيش وقت نعارض، لازم ثورة على طول. ده بيشطب العاصمة الإدارية!". وشرح "درش": "‏لأجل ولادنا يتعلموا كويس.... لأجل ولادنا ما تنتحرش. #احنا_ثورة_مش_معارضة". وهتف صاحب حساب "القلة المندسة": "‏يا شعب يالي دفع تمن الشوارع دم.. احفظي أسامي الي ماتوا في الشوارع صم. #احنا_ثورة_مش_معارضة".

المساهمون