الفلسطينيون ينتصرون لمروان البرغوثي ضد عنصرية "بيتزا هت"

وقال الناشط ورد ياسين على صفحته: "بالأمس كوكا كولا واليوم بيتزا هت".

وكتب الناشط زكريا محارب على صفحته: "بيتزا هت لازم تدفع الثمن. بيتزا هت منزلة دعاية بتسخر من اضراب اسرانا البواسل".

وأضاف: "الدعاية: 'برغوثي، اذا ولا بد بدك تكسر الإضراب، مش أحسنلك بيتزا هت؟'... فروع بيتزا هت موجودة بـ كل وطنا العربي وبكل العالم. لازم نقاطعها وندفّعها الثمن. لنبدأ حملة المقاطعة. #قاطعوا_بيتزا_هت. #اضراب_الكرامة".

من جانبه، كتب الناشط رازي نابلسي: "ع فكرة، بس عشان يكون واضح من الأول. بيتزا هت فرع رام الله، أطلعت بيان في بتدين الدعاية الي أطلعتها بيتزا هت فرع إسرائيل. وقالت إنّه الفرع في رام الله يدعم حقوق الشعب الفلسطينيّ ويساند الأسرى. إسّا، شو المشكلة الفرع بمصر يطلع كمان بيان من هالنوع؟ المشكلة إنّه ساعتها فروع بيتزا هت بالعالم العربيّ مش رح تتأثّر، ورح تنحصر المقاطعة والحملة على فروع المحال بإسرائيل، والي هناك جمهور هدفها بعض العرب في الداخل وبالأساس يهود. فبالنتيجة مش رح تتأثّر خاصة إنّه خطاب المقاطعة مش عنجد متجذّر بالداخل".

وأضاف نابلسي "بالتاليّ، وضروريّ كثير، نقاطع كمان فرع رام الله، كجزء من عقاب على الشركة الأم ومش فروع محدّدة، وفرع القاهرة وفرع بيروت وفرع تونس. نقاطع الشركة العالميّة، كلها. ومش مشكلة، رح يخسر أصحاب المحلّات التجاريّة برام الله، ورح يتوجّهوا للفروع الرئيسية مطالبينها بحل المشكلة عشان الفروع ما تهتز بالعالم العربيّ، وهيك بيتربّى فرع بيتزا هت بإسرائيل. بس، إنّه نكتب كل الاحترام لفرع رام الله ونروح نوكل فيه، هاي مش حملة ضد شركة عالميّة".

وتابع "أكيد، صاحب محل البيتزا بمصر مثلًا، ملوش علاقة بكل إشي بعمله فرع بيتزا هت بتل أبيب، بس عشان فرع بيتزا هت بتل أبيب يتربّى وممكن يسكّر لازم نضغط عالشركة العالميّة من مصر. عشان هناك، بيتزا بتخاف، بالضبط زي أورانج ومكدونالدز. خلّي الحملة واضحة، بدنا نقاطع بيتزا هت ومش مشكلة يخسر رأس المال برام الله أكم شيكل".