#حق_يوسف يفضح تستر نظام السيسي على القتلة
قتل يوسف العربي برصاص طائش (تويتر)
دشن ناشطون مصريون وسم #حق_يوسف كمنصة لحملة تضامن واسعة على مواقع التواصل الاجتماعي مع مروة القناوي، المضربة عن الطعام منذ 31 مارس/آذار الماضي، اعتراضاً على عدم تنفيذ حكم الحبس سبع سنوات في حق المتهمين بقتل نجلها يوسف العربي "بالخطأ"، منذ إطلاقهم النيران في حفل زفاف. واعتبر الناشطون ذلك فساداً واستغلالاً للسلطة، كون المتهمين أبناء مسؤولين متنفذين بالنظام.
وتضامنت معها الصحافية هدير الطنطاوي "أعلن اضرابي عن الطعام لمدة يوم من الساعة 11 صباح اليوم وحتى 11 صباح غدا الأحد، تضامنا مع مروة قناوي المضربة عن الطعام من 31 مارس بتطالب بالعدل لابنها يوسف العربي. ابن مروة قناوي اتقتل بطلقة وهو واقف في الشارع، ورغم حكم المحكمة القتلة أحرار. #حق_يوسف".
وكتبت الحقوقية منى سيف: "#مروة_مش_لوحدها .. مروة بتخوض معركة مذهلة عشان #حق_يوسف وحق كل حد فينا في مساحة من الأمان تضمن ان مش أي حد حابب يحتفل يضرب طلقتين في الهوا فيموت بني آدم تاني عشان لحظة منظرة فارغة، وكمان عشان لما حد يموت بالغلط المسؤولين عن قتله يتحاسبوا زي أي حد تاني #لا_لضرب_النار_في_المناسبات".
Twitter Post
|
وعلق جمال عيد "أي حاجة تحتمل ما عدا تخريب العدالة وان ناس تكون أعلى من القانون
للأسف ده أصبح منهج في مصر. مرتضى منصور وحبيب العادلي كانوا هربانين والقانون مغمض. دلوقت اللي قتلوا ابن مروة قناوي القانون مغمض عنهم. في دولة القانون إغماض العين جريمة. #مروة_مش_لوحدها #حق_يوسف #متضامن_مع_مروة_قناوي".
Twitter Post
|
وكتبت ماهينور المصري "إللي مروة قناوي بتعمله ده شيء في منتهى الشجاعة والقوة.. مروة مضربة عن الطعام بقالها 35 يوم للمطالبة بحق ابنها يوسف. قدرة مروة على إنها تحول مأساة شخصية لقضية تقدر تحاول تنقذ أرواح تانية شيء يستحق كل التقدير. وعلى الرغم من أن الواحد خايف على صحتها جدا بس فخور بقوتها وبتصميمها إنها مش بس تجيب حق ابنها بس كمان تمنع حدوث إطلاق النار في الأفراح والمناسبات إللي بيقضي على حياة أبرياء. للأسف المجرمين اللي قتلوا يوسف منهم ضابط ومنهم ابن مجلس شعب وعلى الرغم من قرارات الضبط والإحضار لكن طبعا مافيش شيء حيتنفذ، إذا كانوا إللي بينفذوا القانون هما المجرمين".
| Facebook Post |
| Facebook Post |
وغرد عمرو يكن: "مروة في يومها الـ35 اضراب عن الطعام بتعرض نفسها للهلاك عشان حق ابنها مش محتاجة منا غير التضامن واحنا مش محتاجين غير ان اللي اجرموا يتعاقبو. #متضامن_مع_مروة_قناوي #مروة_مش_لوحدها #حق_يوسف".
وعن المتهم الأول أوضحت هيا المصري "نوضح شبكة العلاقات والنفوذ اللي تتمتع بيه عيلة الاتنين المطلوب ضبطهم .. أولًا: الضابط طاهر محمد أمين أبو طالب.. والده هو اللواء محمد أمين أبو طالب مدير أمن بني سويف السابق. عم والده هو اللواء أحمد أبو طالب #مروة_مش_لوحدها #حق_يوسف #justice_for_youssef".
وتابعت عن المتهم الثاني: "ثانيًا: الطالب خالد أحمد عبد التواب.. طالب ليسانس حقوق بني سويف وكان قدامه سنة ويتعين في النيابة. والده لواء أمن دولة سابق وكان وكيل الجهاز في المنيا ثم قامت ثورة يناير وتمت احالته للتقاعد. والده عضو مجلس النواب عن دائرة طامية وأمين سر لجنة الدفاع والأمن القومي. #حق_يوسف".
وكتبت الصحافية رشا عزب: "مروة قناوي.. أم مصرية اتقتل ابنها في الشارع برصاصة طايشة من فرح.. المتهمين اللي صدر ضدهم أحكام بالحبس طلعوا ظابط شرطة وابن مدير أمن سابق وابن عضو مجلس نواب.. ومروة أعلنت اضراب وبقالها أكتر من شهر للمطالبة بالقبض عليهم.. بس والنظام بيحمي القتلة كالعادة.. كل الدعم لمروة. #حق_يوسف".
Twitter Post
|
وأشار فتحي محمد: "احنا في بلاد نظامها بيوري الشعب العين الحمرة.. بيورينا انه لا يهمه اللي يعمل اضراب ولا حقوق انسان .. نفسهم يبيدوا الشعب وهما يكونوا مرتاحين .. ثوره يناير قضت على راس التعبان ولسة الديل بيلعب".
وتمنى توفيق: "ايه الحل بجد .. الدنيا كلها عرفت باضرابها وناس كتير تضامنت معاها لكن مفيش فايدة ... لو استمر الظلم ده العداوة بتكبر وبتزيد. ثورة يناير قامت ضد الشرطة .. المرة دي لو قامت تاني هيكون فيها خصوم كتير وهتكون المحاكمات في الشارع.".
وقال صاحب حساب "مناضل ثوري": "النظام بيحمي القتلة كالعادة.. كل الدعم لمروة. #حق_يوسف".
