المغردون المصريون يتجادلون حول #حظر_التجول

شهدت مواقع التواصل الاجتماعي جدلاً بين المصريين حول قرار رئيس الوزراء، مصطفى مدبولي، بفرض حظر التجول اعتباراً من يوم غد الأربعاء، ومجموعة من القرارات التفصيلية الأخرى.

أيد بعض المغردين القرارات، بينما تساءل آخرون عن كيفية تجهز الحكومة المصرية لمواجهة ما سيترتب عن حظر التجول وسط جائحة فيروس كورونا المستجد (كوفيد ــ 19).

قال جمال عيد: "‏لا بد من توفير كل المساندة للأطباء ووزارة الصحة، وأن تتسم وزارة الصحة بالشفافية مع الجمهور. الإفراج عن سجناء الرأي، والإفراج عن كبار السن ممن لم يرتكبوا جرائم عنف أو جنائية خطيرة، والإفراج عن السجناء لجرائم بسيطة أو مالية. سرعة وضع خطط التعامل مع ودعم الفقراء وعمال اليومية. رأي مواطن مصري".

وشاركته رشا عزب عبر تغريداتها: "‏قبل ما تسود نغمة الدولة عملت اللي عليها والعيب في الشعب، محتاجين إجابات. ما خطة الدولة مع العمالة اليومية زي البائعين وعمال التراحيل؟ خطة الدولة للتعامل مع تحصيل فواتير المياه والكهرباء خلال الفترة الجاية؟ خطة الدولة للتعامل مع المستشفيات الخاصة في ذروة تفشي الوباء".

‏وعن تجربته الشخصية كتب أحمد: "أنا متضرر بشكل كلي من القرار، ومش بالع كلام الناس اللي بتطلب من الناس التانيين يتكفلوا بالمتضررين، ومش هاقبل مساعدة من حد.. الطبيعي إن الحكومة اللي فتحت صدرها ماتعالجش الناس بزيادة أعبائهم وتتكفلهم هي.. ما تشحتوش علينا عشان عيب عليكم والله".

وغرّد أحمد ماهر: ‏"هديتوا كده وهاتبطلوا صويت وبتحوموا إنهم يعملوا حظر تجوال! فرحانين دلوقتي؟ ديه مأساة بسبب بلد مافيهاش بنيه تنظيمية أو اقتصادية! وده طبعا بسبب نداءاتكم المتكررة، وطبعا المتخلفين اللي نزلوا في مسيرات في الشارع وسط تهليل البعض! أهو بسبب العبط ده الدنيا هاتتشقلب".

وكتب محمد صلاح: ‏‎#رئيس-الوزراء اللي قعّد الشعب كله في البيت، الغلابة من عمال اليومية هايقبض مرتبه عادي أول الشهر.. وهو بيدّعي إنه بيحمي الناس من المرض، بس نسي يحميهم من الأيام السوداء اللي هايشفوها".

وعن الأطباء تساءلت نادية: "‏سؤال تاني هل سيادة رئيس الوزراء، بجانب شكر الأطقم الطبية لمجهودها الباسل في توفير الخدمات الطبية للشعب، هل سيادته تطرق لأي نوع من أنواع التكريم لهم غير الشكر الشفوي؟ زي مثلًا رفع بدل العدوى أو توفير اللوازم الطبية وظروف عمل مناسبة لحمايتهم ولدعمهم في عملهم الباسل؟".

‏واستكمل محمود ربيع: "هو معالي رئيس الوزراء مقالش ليه هانوفر احتياجات المستشفيات من المستلزمات الطبية والـ PPE؟ ماحدش هايعرف يحارب من غير سلاح معاليك، ولما الأطباء ترفض تتعامل مع المرضى بدون حماية كافية، هاتحصل مشاكل أكبر، أرجوكم وفّروا احتياجات المستشفيات الأساسية أهم من قرارات كتير بتتعمل".

وعن مواعيد الحظر ومواجهة التجمعات تساءل محمد أمين: ‏"طيب يعني الناس اللي رايحة شغلها الصبح دول تجمع ولا لأ!؟ والناس اللي رايحة المولات لحد 5 دول تجمع ولا لأ!؟ وهما مروّحين بقى من الموظفين والعاملين بالقطاع الخاص دول تجمع!؟ واللي حيركبوا الميكروباصات والترام والقطر دول إيه تجمع ولا لأ حظر من 7م إلى 6 للناس من 6 ص إلى 7 م لكورونا".