مذيعة مصرية تطلب الدعاء من جمهورها بعد إصابتها بالسرطان

18 ابريل 2021
الصورة
تقدم أسماء حالياً برنامجها "بيتنا في رمضان" (فيسبوك)
+ الخط -

أعلنت المذيعة المصرية أسماء مصطفى، إصابتها بمرض السرطان، وطلبت من جمهورها الدعاء لها.

وكتبت أسماء عبر حسابها على فيسبوك: "أنا بعتذر طول الفترة اللي فاتت عن الاختفاء وعدم الرد غصب عني، الحقيقة إني بقالي كام شهر مش عارفة أرد أو أكتب، أقول إيه لمعظم الناس، وده كان عشان أمي وعيلتي لحد ما يستوعبوا القصة، وبعد ما عرفت ورضيت خلاص مش فارق معايا خلاص".

وأضافت: "أنا حالي حال ناس غيري كتير، بيمروا بمعركة مع المرض اللعين، الاسم صعب cancer، معلش وأنا منهم بحاول وبكافح وربنا كريم، صحيح المشوار لسه طويل، والشفا بإيدين ربنا وحده، وما علينا غير إننا ناخد بالأسباب ونرضى بقضاء الله، ونسأله اللطف فيه. مش عايزة حد يزعل أنا بس محتاجة الدعاء، لأني مؤمنة إنه بيغير القدر، أنا قطعت مسافة كويسة في رحلة العلاج، الحمد لله، ولسه في خطوات تانية، ربنا يسهل في انتظار تحديد ميعاد العملية، علشان كده عدم ظهوري هيطول، رجاء تاني محدش يتضايق فضلاً.. الدعاء".

وتقدم أسماء حالياً برنامجها "بيتنا في رمضان"، ويذاع "مسجلاً على إذاعة نغم fm، وتدور فكرته حول الأصوات التي ارتبط بها كثير من المصريين، في شهر رمضان المبارك، مثل صوت الشيخ محمد رفعت، والنقشبندي، والمسحراتي، وغيرهم من ذوي الأصوات التي تذكر بالشهر الفضيل، وفي كل حلقة تعرض تفاصيل كل صوت وسبب ارتباط الناس به في رمضان دون باقي الشهور.

المساهمون