انتقادات لوزير النقل المصري بعد زيادة جديدة في أسعار المواصلات

انتقادات لوزير النقل المصري بعد زيادة جديدة في أسعار المواصلات

02 اغسطس 2022
طلب وزير النقل من المواطنين تحمّل الزيادة في الأسعار (فيسبوك)
+ الخط -

طاولت الانتقادات وزير النقل المصري كامل الوزير، بسبب دعوته إلى تحميل المصريين فاتورة الديون المتعلّقة بقطاع النقل. وكان الوزير قد قال في مداخلة تلفزيونية لبرنامج "الحكاية" الذي يعرض على قناة "إم بي سي مصر": "المواطن ليس له ذنب في تسديد مديونية منظومة النقل، ولكن لازم يستحمل الزيادة ويسدد المديونية معانا عشان مانخسرش، والزيادة دي هاتكون الأخيرة".

وعلّق باهر على كلام الوزير، فكتب على "تويتر": ‏"طيب مش الأصح "بس الأصعب طبعا" إننا نعرف، إيه السر ورا زيادة المديونيات كل ما بتزودوا ثمن التذاكر؟ يعني هل فساد؟، إهمال؟، قلة كفاءة؟ ضعف الأفكار التسويقية اللي بتجيب فلوس؟، التكنولوجيا قديمة؟، المفروض المواطن مايتحملش ثمن رداءة إدارتكم يا معالي الوزير".

أما داليا رأفت فعبرت عن استغرابها: ‏"هو المواطن كان مسؤول معاكم في الإدارة، وفي المرتبات، والبدلات وفي الفساد، علشان يكون مسؤول عن التسديد!!".

فيما كتب أحمد مجدي ساخراً: ‏"وديه الحالة الوحيدة اللي المواطن في الجملة بيكون فاعل، أي حاجة تانية هو مفعول به".

كذلك، علّق محمد علي موسى: ‏"الرجل من كتر التلويش قال نصا، زي ما هو مكتوب "المواطن ملوش ذنب في مديونية قطاع النقل، بس لازم يدفع معانا علشان مانخسرش".

وفي محاولة لتفسير كلام الوزير كتبت لبنى درويش: ‏"من الآخر بيتعامل مع المواصلات العامة كسلعة، واللي ماعهوش ما يلزموش، وما إنت بتدفع برة. الفصاحة المبهرة هي في قد إيه الوزير مرتاح في دوره كمدير شركة، وغير واع تمامًا لفجاجة المحتوى اللي بيقوله -كعادته".

بينما أكّد الفنان عمرو واكد أنّ القادم أسوأ فكتب: "‏اللي بيحصل بأختصار هو إن بعد كل الهم، والغلب، والغلاء، والسوق الواقف، والحقوق الضايعة، والمستقبل المظلم، مطلوب من سيادتك بقى تسدد ديون النابغة اللي عمل فيك كده، ولسه هايكمل يعمل فيك أكتر من كده".

المساهمون