المصريون يواجهون السيسي تحت البيوت وبعد صلاة الظهر

20 سبتمبر 2020
الصورة
دعوات للتظاهر اليوم (تويتر)
+ الخط -

تصدر وسما #تحت_بيوتنا_نازلين و #نازلين_بعد_صلاة_الظهر قائمة الأكثر تداولا المصرية، عشية دعوات للنزول والتظاهر ضد نظام الرئيس عبد الفتاح السيسي، والمطالبة برحيله اعتراضاً على سياساته الداخلية والخارجية، خاصة قانون التصالح وهدم البيوت والفشل في ملف سد النهضة، ورفع الدعم عن الكهرباء ورغيف الخبز. وحاولت الكتائب الإلكترونية الرد بوسم #بالسيسي_نتحدى_الدنيا، لكنه لم يستطع تخطي وسمي المعارضين.

وكتب محمد يحيى: "‏لو خايف تنزل لتموت فأحب أقولك ان الموت أكرملك من عيشتك دي.. ويكفيك ان ذكرى اسمك ستخلد بدل ما انت ميت وانت على قيد الحياة. ‎#نازلين_بعد_صلاه_الظهر". وعن احتجاجات المحامين غردت سناء: "‏شايفين بداية الاعتراض.. فئة المحامين نطقوا .. فاضل انت يا شعب قول كلمتك وانزل. ‎#نازلين_بعد_صلاة_الظهر".

وتمنى سعفان: "‏‎#نازلين_بعد_صلاه_الظهر.. بكرا راح آخد حقي.. وبكره نهار جديد"، وهتف "المواطن إكس": "‏والله زمااااااان وبعودة.. ليلة أبوكوا ليلة سودة. #نازلين_بعد_صلاه_الظهر".

ورأى سلطان: "‏أي ثورة ناجحة في العالم ليس لها معاد.. معاك بعض الشعب مش عايز من تصرفه اتجاة شعبه .. والبعض الآخر مستفيد من وجوده مثل الفنانين وغيرهم لأن كل دول أموالهم برة مصر .. الخلاصة في ايد الجيش انقلاب عليه أو ستفتاء؟ اذا كان انت معندكش أحزاب معارضة زي الدول الأخرى؟ محدش هينزل. ‎#نازلين_بعد_صلاه_الظهر".

وحذر حساب "كشري مشطشط": "‏المخابرات بتنشر خبر ان تم القبض على ضباط وكدة علشان يفهموكم ان في ضباط في ضهركم وعزيمتكم تقل وتقولوا نستنى نشوف هيحصل ايه  ... خدوا بالكم مفيش أي حاجة من الكلام دة محدش هيجيب حقنا الا بنفسنا ... وبرضوووو #تحت_بيوتنا_نازلين".

وذكر "البديل" بمقولة شهيرة: "‏أوعوا تسيبوا الميدان انتوا شيلتوا حرامي ولسة باقي العصابة .. جميل راتب. #تحت_بيوتنا_نازلين #بينا_وبينكم_يوم٢٠".

ودعا أمين: "‏دا أضعف الإيمان.. انزل تحت بيتك.. اكسر حاجز الخوف.. لو لقيت مجموعة ضم ليهم.. مشوار الميل يبدأ بخطوة. ‎#تحت_بيوتنا_نازلين".

وتوجه محمد ميدان لله: "‏يا رب إن الظالم جمع جنوده وسلاحه وسجونه وزنازينه وأنا عبدك جمعت له ما استطعت من الدعاء.. ياااااارب تقف معانا يارب والله الشعب تعب والله .. ياااااارب مالنش غيرك. #تحت_بيوتنا_نازلين".

وتغنى "مصري أصلي": "‏‎#تحت_بيوتنا_نازلين نزلت وقلت أنا مش راجع.. وكتبت بدمي في كل شارع.. سمعنا اللي ما كانش سامع.. واتكسرت كل الموانع.. سلحنا كان أحلامنا.. وبكره واضح قدامنا.. من زمان بنستنى.. بندور مش لاقيين مكانا.. في كل شارع في بلادي.. صوت الحرية بينادي.. رفعنا رسنا في السما.. والجوع مبقاش بيهمنا.. أهم حاجة حقنا".

وسخرت "ناشطة مش سياسية": "‏المخبرين اللي مالين الشوارع دي.. طب مش احنا ارهاب زي ما بتقولوا؟! خافوا على أهلكم بقى. #امسك_مخبر ‎#تحت_بيوتنا_نازلين". وتوقع ياسر عرفات: "‏‏ان شاء الله هننزل ونشجع بعض ونلحق ما تبقى من كل البلاد العربية مش مصر بس وأدينا شايفين ايه اللي بيحصل من  الخونة حكام السعودية والإمارات والبحرين.. وكمان نخرج المعتقلين ظلم من 7 سنوات وأكثر. ‎#تحت_بيوتنا_نازلين".

المساهمون