مصريون يتحدون أجهزة السيسي: #اعمل_الصح_وقاطع_المسلسلات

مصريون يتحدون أجهزة السيسي: #اعمل_الصح_وقاطع_المسلسلات

16 ابريل 2020
احتفل رمضان بانتهاء تصوير مسلسله (فيسبوك)
+ الخط -
دشن مغردون مصريون وسم #اعمل_الصح_وقاطع_المسلسلات، في إطار حملة لمقاطعة دراما رمضان المقبل، والتي تستحوذ على إنتاجها أجهزة الرئيس عبد الفتاح السيسي، عبر المنتج تامر مرسي وشركته "سنرجي"، والتي استأنفت مواقع تصويرها العمل، رغم إجراءات مكافحة فيروس كورونا الجديد وحظر التجول.

وأثار حفيظة كثير من المصريين انتشار صور الفنانين الذين طالبوا الشعب بالبقاء في المنازل، رغم أنهم وسط أطقم التصوير، وأشهرهم الفنان محمد رمضان، وبعض التصريحات المناهضة للعمال البسطاء، وأهمها تصريح الفنانة داليا البحيري.

ونقل "باشمترجم" صورة رمضان وقارن: "‏احتفال محمد رمضان بانتهاء المسلسل بتاعه والتجمع ده عادي أما المساجد والتجمع فيها مش عادي!#اعمل_الصح_وقاطع_المسلسلات".
وطالب عمرو أسامة: "‏قاطعوا المسلسلات اللي مقدروش يوقفوا الممثلين وقدروا على الغلابة والنوادي والمساجد. #اعمل_الصح_وقاطع_المسلسلات".

وطالب أحمد صلاح بالتبرع للبسطاء: "‏فكر ازاي تتطلع الزكاة في الظروف دي مثلا بدل ما كل شويه تفكر في المسلسل وتقول حصل ايه.. فكر في الفقير إلى مش لاقي ياكل. #اعمل_الصح_وقاطع_المسلسلات".

وحاول سيد غياتي تفسير تصريحات داليا البحيري: "‏لو كانت مشكلة داليا لامؤاخذة الرداحة ان الناس مش ملتزمة بالحظر فكان الطبيعي انها تهاجم حبايبها اللي بيصورا مسلسلات رمضان.. لكن مشكلتها ان الناس اللي عايزة تضربهم بالشبشب فقراء وهي عمرها ماشافتهم أو حست بيهم ودول بالنسبة ليها مجرد عبء اجتماعي..! #اعمل_الصح_وقاطع_المسلسلات".

كما كتبت منال: "‏زي ما قدرنا نقعد في بيوتنا .. وقدرنا ما ننزلش مساجد ولا كنائس.. وقدرنا ما نروحش مدارس ولا جامعات ولا نوادي #نقدر ما نتابعش الناس دي تاني. #انت_تقدر #انت_تستطيع #اعمل_الصح_وقاطع_المسلسلات #داليا_البحيري_انتي_كومبارس".

وشجعت أشرقت محمد الفكرة: "‏أحسن حاجة ممكن تعملها فعلاً انك تقاطع المسلسلات وهتلاقي وقت كتير تستغله في حاجات مفيدة وخصوصاً في أيام مباركة زي رمضان. #اعمل_الصح_وقاطع_المسلسلات".

وحرض محمد عبده: "‏خدوا الموضوع تحدي وخلينا نتجمع يوم العيد نضحك على الملايين اللي خسروها والصيام اللي فوزنا بيه. ‎#اعمل_الصح_وقاطع_المسلسلات".
وحاول السيد نصار التوضيح: "‏‎#اعمل_الصح_وقاطع_المسلسلات.. المشكلة ان الجهل مسيطر على أغلبية الشعب.. كلمة توديه وكلمة تجيبوا".

وتعجبت "برنسيسة تويتر": "‏المصيبة السودة ان نص شعب مصر مستني رمضان عشان المسلسلات. #اعمل_الصح_وقاطع_المسلسلات". ووافقها بوب: "‏‎#اعمل_الصح_وقاطع_المسلسلات .. دا الشعب بيستنى المسلسلات من السنة للسنة كبير وصغير .. وبيتخانقوا على الريموت كمان".





المساهمون