المصري يأكل "فرختين" في الشهر... وساخرون: إيه التبذير دا؟!

وتلقّى رواد مواقع التواصل الاجتماعي الخبر بكثير من السخرية وتفنيدٍ للأرقام وكشف عوارها وما توحي به كذباً أن الأوضاع المعيشية للمصريين في تحسن عن السنوات الماضية.

وغرد سامح سيف: "خبر بيقولك المصريين أكلوا 180 مليون فرخة في رمضان، إيه الشعب المسرف دا.. إيه دا بس إحنا 90 مليوناً يعني الفرد يأكل فرختين في الشهر.. فعلاً إحنا شعب فقير طحن".

وعن كذب إيحاء الرقم المستخدم كتبت ميرا: "180 مليون فرخة يعني نصيب الفرد فرختين طول الـ 30 يوماً.. مش فاهمة ليه ده أصلاً يبقى خبر ويديك إيحاء إنه يالهوى كلنا ده كله لوحدنا".

وبحسبة سريعة أوضح (مصر تعيش انت): "180 مليون فرخة في 30 يوماً يعني في اليوم 6 ملايين فرخة لو أكلهم بشر بس من غير حيوانات لو قسمناهم على 90 مليون مصري يبقى نصيب الفرد في اليوم 0.067 فرخة".

وكتب عزة مطر: "90 مليون فرد أكلوا 180 مليون فرخة في شهر.. يبقى نصيب الفرد فرختين في الشهر! مش عارفين تكدبوا ولا تحسبوا".

وكتب مزجنجي: "عايزين يخضّونا من الرقم وتيجي تحسبها تلاقي الفرد أكل في اليوم بـ 3.5 جنيهات".

وواصفاً الدراسة بأنها محاولة للتلاعب ومفنّداً للأرقام كتب خالد عبد الرحيم: "اتحاد الغرف التجارية: #المصريون أنفقوا على الطعام في #رمضان مبلغ 9.5 مليارات جنيه. يا لهوي! إيه التبذير دا؟! المبلغ دا كله على الأكل؟! بس استنى كدا.. احنا 90 مليون، أكلنا خلال شهر كامل بـ9500 مليون جنيه، لو قسمناهم على 90 فيها 105.56 جنيهات! يعني المصري الواحد بياكل في الشهر بـ106 جنيهات؟! يا لهوي! دا احنا كدا في مجاعة وفقر! #التلاعب_بالأرقام، شغل دماغك ليغفلونا".

وبطريقة حسابية أخرى كتب وائل سيف، ساخراً: "اتحاد الغرف التجارية بتقول المصريين أكلوا بـ9.5 مليارات جنيه في رمضان تيجي نحسبها مع بعض كل فرد أكل بكام هنقول 9.5 مليارات جنيه على 90 مليون بني آدم يبقى الفرد أكل بـ 105.5 جنيهات في الشهر كله يعني بـ 6 دولارات في الشهر ومش هننسى طبعاً الـ50 جنيهاً الزيادة ع بطاقة التموين يبقى الإجمالي 155.5 جنيهاً بحالهم يا شعب مبذر".