هجوم على نائبة برلمانية تطالب بمحاكمة قائد المنتخب المصري

تقدمت النائبة في مجلس النواب المصري، نادية هنري، ببلاغ ضد القائد السابق للمنتخب المصري لكرة القدم أحمد حسن، بسبب ما اعتبرته هجوماً على وزير الأوقاف المصري، بسبب مطالبة اللاعب بالتراجع عن قرار إغلاق المساجد في رمضان.

وكتب اللاعب أحمد حسن عبر حسابه الشخصي على موقع التواصل "تويتر": "بالأمس شاهدت حماسة الأستاذ وزير الأوقاف، في بيانه في أحد البرامج التلفزيونية، في الإصرار الشديد على استمرار إغلاق المساجد في رمضان، وحرمان الناس من أبسط الأمور وهي صوت الابتهالات والأدعية والصلوات، وهذا لم يحدث من قبل في التاريخ حتى في أشد الأزمات. معالي الوزير، كنت أتمنى أن أرى حماسك في أمور تتعلق بالأمر بالمعروف والنهي عن المنكر، وما أكثرها في أيامنا الحالية. ملحوظة، لست بداعية أو شيخ، وبي الكثير من العيوب ولكني مسلم يحلم بروحانيات رمضان".

من جانبها، علقت النائبة: ‏"بناء على ما سطره المدعو أحمد حسن، لاعب كرة القدم سابقاً، بموقع التواصل الاجتماعي (تويتر)، من هجوم غير مبرر على الحكومة المصرية، ممثلة في شخص معالي الدكتور وزير الأوقاف، ودعوة للوقيعة بين المسلمين والمسيحيين المصريين، قررت تقديم بلاغ للسيد المستشار النائب العام وهذا نص البلاغ".

وقوبل هذا البلاغ بردود أفعال مختلفة على مواقع التواصل الاجتماعي: عن التهمة المعتادة كتبت بنت مصر: ‏"لما تيجي حتة إن ‎#أحمد_حسن إخوان، ابقوا صحوني لأني باحبها قوي". في وقت علّق أحمد المصري: ‏‎"#احمد_حسن المحترم، عشان بيعلق على كلام ‎#وزير_الأوقاف ومش عاجبته طريقته، فطبعا لازم يتهاجم من البعض ويصطادوا في الماء العكر، #اقالة_وزير_الأوقاف".

وتساءلت نيفين جمال: ‏"هو البرلمان فاضي قوي كده، مش لاقي حاجة مهمة في البلد غير تصريح أحمد حسن!!!!". وشاركها شريف عثمان: "‏هو المهم نشوف ها نعمل إيه في الكارثة اللي حلت، ولا صلاة التراويح وأحمد حسن وفضايح بودي؟؟، فعلا اللي بيغرق هو اللي ما بيعرفش يعوم".

في المقابل كتبت هيلي السعدني: "‏أنا شخصيا رأيي زي أحمد حسن، وأنا أكيد مش إخوان ولا أمُتّ للتطرف بصلة، ولا حتى محجبة، مش أي حد بيحب الـspirit بتاع رمضان اللي مصر مشهورة بيها، يبقى إخوان عشان أنتم عايزين تبرير لهلعكم، عيب كفاية هبالة بقى سخفت منكم قوي".

ودافع عنه رضا السماحي أمام مهاجميه: "‏‎‎أحمد حسن مش إخواني، أحمد حسن مصري مسلم،  ولو علشان التهنئة إللي في غير محلها، اعتبروها غلطة وكلنا بنغلط، إحنا مش ملايكة، هو نفسه يصلي تراويح رمضان في المسجد ونفسه المساجد تتفتح، زي ما إحنا كمان نفسنا الكنائس تتفتح، هو مش إخواني ومش عايزين نخليها فتنة".

وهاجمه أندرو حبيب: "‏اللي كتبه أحمد حسن في لومه وعتابه لوزير الاوقاف، عن إغلاق المساجد وحرمانه من روحانيات رمضان. التراويح شأن يخصه كمسلم رغم أنه بيكشف حجم الكارثة، إن نجم زي ده مش مقدر خطورة قرار زي ده، وإمكانية انتشار العدوى، لكن ينهي كلامه بعبارة Happy Easter ده تعصب وعدم احترام #أحمد_حسن".

وشاركه أحمد صلاح: ‏"أهي السوشيل ميديا وصلتنا لمرحله إهانة وزير الأوقاف، اللي عنده علم بالدين أضعاف أضعاف أي لاعب كورة، كابتن أحمد حسن. حضرتك عندك علم إن كل علماء الدين فى العالم حللوا قفل المساجد للحد من انتشار المرض؟".