مغرّدون عن اقتراح تصدير كلاب الشوارع بمصر: "صدَّرونا احنا"

مغرّدون ساخرون من اقتراح تصدير كلاب الشوارع في مصر: "صدَّرونا احنا"

09 أكتوبر 2018
(جوليا نيكيتينا)
+ الخط -
من جديد، يقع أحد أعضاء البرلمان المصري تحت نيران مواقع التواصل الاجتماعي. وهذه المرة، كانت النائبة مارغريت عازر وكيلة لجنة حقوق الإنسان بالبرلمان، بعد اقتراحها حل مشكلة كثرة وجود الكلاب الضالة في شوارع مصر، عبر تصديرها إلى الدول التي تأكل لحومها مثل كوريا.

اقتراح عازر قوبل بسخرية واستهجان شديدين، خصوصاً مع تجاهل البرلمان المشاكل الحياتية الهامة للمصريين، وتجاهل لجنة حقوق الإنسان الحقوقَ المهدرة في مصر، وصل ببعض الناشطين إلى السخرية "صدَّرونا احنا".

واقترحت "الست نور": "‏‎الحل الأسهل صدرونا احنا وخلوا الكلاب تعيش معاكم". وغردت إيمان هارون: "‏والله يا أفندم أنا مع تصدير أعضاء البرلمان نفسهم.. عالأقل الكلاب مفيدة بالنسبة للبشرية عنكم".

وكتبت ماجدة: "‏أقول فيكي ايه وانتي فيكي كل العبر.. ماشفتش حد منكم اهتم بمشكلة الزبالة .. ولا بقضايا خطف الأطفال وتعذيبهم واغتصابهم.. ماشفناش حد فيكم اهتم بتهريب الآثار ولا بفساد المحليات ولا بالسياحة ولا.. ولا.. ولا.. مش لاقيين غير تصدير الكلاب لدول بتسلخهم وتسلقهم أحياء".

وقال محمد بكر: "‏‎بعد أن جففوا مصر من تصدير الأرز والفواكه.. ورفضت الدول صادرات مصر لكونها تسقى من الصرف الصحي.. لم يعد لهم إلا تصدير الكلاب ولا يستحون.. برلمان عبعال".


ووصف محمد: "‏‎البرلمان المصري غير مخصص لشعبه.. مخصص للنظام واللي عايزه فقط ... دولة فاشلة بحكومتها.... تحيا مصر والشعب الشريف".

وسخر محسن عبد العزيز: "‏‎تمخض البرلمان فاقترح تصدير الكلاب.. ونعم الاقتراحات والله".

وعلقت "سيمباكس": "‏الحكومة عايزة تزود موارد عن طريق تصدير الكلاب للكوريين علشان يأكلوهم .. وخلوا السياح يقاطعوا السياحة بقي.. ما يصدرو الزبالة حتجيب لهم فلوس أكتر.. ذكاء مفرط ووحشية كمان".

وهاجمت إيمان أسعد: "‏فيه نايبة فالبرلمان رئيسة لجنة حقوق الإنسان، مارجريت عازر، بتقترح تصدير الكلاب الضالة لكوريا عشان بياكلوها، في كوريا بيعذبوا الكلاب وبيسلخوها ويسلقوها صاحية وبتوع حقوق الحيوان بيحاولوا يوقفوا المهازل دي من سنين، بس طبعا الهانم جاهلة ومفترية زي باقية المجلس".

ووافقتها نيرفانا سعيد: "‏أنا مش فاهمة ازاي ‎#مارجريت_عازر ماسكة لجنة حقوق الانسان في البرلمان.. ماتنظفوا البرلمان من العاهات دي.. العالم كله بيحارب صناعة أكل الكلاب وانتي عاوزه تبيعي كلابنا.. ‎#مصر".

وكتبت صاحبة حساب "مصرية وأفتخر": "‏يعني النائبة مارجرت عازر سابت كل مشاكل مصر وبتقترح أن تبيع الكلاب لكوريا تعذب فيهم لحد الموت بعدين ياكلوها علشان الإنسان يعيش في بيئة نظيفة .. يا ريت تصدروا البني آدمين اللي مش بقى لا عندهم لا دين ولا رحمة ولا إنسانية ... والمدهش انها وكيل لجنة حقوق الإنسان .. كفاية قرف".

وسخر صاحب مغرد آخر: "‏إلا ما فلحتم في تصدير المنتجات الزراعية والغذائية! رايحين تصدروا كلاب ضالة".

دلالات

المساهمون