مصريون يغردون: "#الثورة_هي_الحل" لإسقاط السيسي

05 ديسمبر 2019
الصورة
دعوات دائمة للثورة على السيسي (Getty)
+ الخط -
دشن مغردون مصريون وسم #الثورة_هي_الحل، للتدوين عن دعوات الثورة على نظام الرئيس عبد الفتاح السيسي، وشرح دواعيها وحتميتها للتغيير، ليؤكد ناشطون في الوسم أن "لا حل مع السيسي ونظامه سوى الثورة".

وكتب همام: "‏عشان وحشنا الميدان وأجدع وأطيب وأطهر ناس ماتوا عشان يكون في حرية وكرامة وعدالة إنسانية. #الثورة_هي_الحل".

وأكدت عايدة: "‏لا بديل عن الثورة مهما كانت المصاعب حتى ننقذ مصر من العصابة الفاجرة.. أشعر أنني أستنشق عبير يناير.. مرحبا يناير الحرية والكرامة.. الثورة التي أرادوا أن يدفنوها مستمرة بفضل الله ثم الأحرار. #الثورة_هي_الحل".

وأجاب تيتو: "‏أي حد يكلمك عن أي مشكلة في البلد الإجابة بسيطة. ‎#الثورة_هي_الحل"،
ومع صورة ميدان التحرير وقت الثورة، كتب صاحب حساب "أفتار": "‏رويترز صنفت الصورة دي بأحسن صورة خلال عقد.. الصورة فيها حياة.. فيها اللي بيغني واللي بيقول شعر واللي بيقرأ قرآن .. فيها اللي بيصلي واللي بيسبح واللي صايم واللي نايم واللي قايم.. واللي بيقول عيسي نبي واللي بيقول محمد نبي.. فيها من بحري والصعيد فيها أم الشهيد والمعتقل. #الثورة_هي_الحل".

وقارن محمد نبيل: "‏فرق شاسع بين واحد قال عندنا حلم ان يكون شعار وزارة التموين في مصر أفضل منتج لأفضل شعب وواحد بيقول انت جاي تاخدلي الدعم وعمال تتآنعر.. ايه ده عن باسم عوده فك الله أسره أتحدث.. وعن علي مصلحي سارق قوت الغلابة.. علشان كدا. #الثورة_هي_الحل".

وحاول جمال مهدلي التفسير: "‏‎#الثورة_هي_الحل.. حتى نخلص إخواننا المعتقلين واخواتنا المعتقلات وحتى نتخلص من القهر والظلم والفقر والجوع والمرض". ورد أحمد الريدي على السيسي: "عايزين نرد على المجرم هنغيّر المنكر ونظامك هيزول. #الثورة_هي_الحل".

وأكد نادر: "‏متحولش في أي حلول مفيش الا حل واحد ‎#الثورة_هي_الحل لأن من اتنُزع بقوة لا يأتي الا بقوة.. مفيش أقوى من ‎#الثورة". ودعا أسامة: "‏‎#الثورة_هي_الحل.. عشان نبدا نبني دولة هدمها العسكر من ٦٠ سنة وخربها السيسي في ٦ سنين .. وعمل تريند في الخراب والقتل والاعتقال".

وبرر شمس: "‏‎#الثورة_هي_الحل علشان نجيب رئيس منتخب من الشعب مش جايلنا عافية". وكتبت نورا إبراهيم: "‏نوين يهدوا جوانا الشجاعة ليه.. عاملين مؤامرة علينا يكون الجبن سايد ليه.. ياناس فوقوا شوفوا ماضيكم كان إيه من عصور قديمة.. كنا رواد علوم وفنون وهندسة وطب.. وكان النجاح رائدا رغم الأطماع والأحقاد كان الانتصار ساطعا.. كنا قدوة للجميع.. وكان الحق واضحا.. شوفوا ماضينا. #الثورة_هي_الحل".

المساهمون