#لا_علاوة_ولا_بطاطس... هجوم على السيسي بعد إلغاء العلاوة السنوية

#لا_علاوة_ولا_بطاطس... هجوم على السيسي بعد إلغاء العلاوة السنوية

08 نوفمبر 2018
الصورة
يدفع المصريون ثمن سياسات السيسي الاقتصادية (ستيفان ليبمان/Oneworld Picture/UIG)
+ الخط -
دشن رواد مواقع التواصل الاجتماعي وسم "#لا_علاوة_ولا_بطاطس" للتدوين ضد الرئيس المصري، عبد الفتاح السيسي، وتصريحاته وسياساته الاقتصادية، منتقدين تفريقه في المعاملة بين الجيش والشرطة والقضاء، وباقي فئات الشعب.

وجاء الوسم بمثابة رد على تصريحات السيسي في مؤتمر شباب العالم بشرم الشيخ، والتي خيَّر فيها الشعب بين البطاطس وبناء الدولة، وبررها بإلغاء علاوة الموظفين السنوية.

وكتبت سناء السيد: "‏‎#لا_علاوة_ولا_بطاطس.. كده افترا على الموظفين الغلابة اللي مش عارفين يكملوا باقي الشهر وعايشين بالسلف.. طيب والجيش والشرطة والقضاة هتشيل منهم العلاوة هما كمان ولا دول على راسهم ريشة ومينفعش يعيشوا من غير ما تديهم إتاوة السكوت عن بلاويك".

وغرد إسلام المعروف، صاحب حساب "ميدان رابعة العدوية": "‏‎#لا_علاوة_ولا_بطاطس.. وبكره تشوفوا مآااثر أنا ماحدش يوصيني على الغلابة.. أقوال مأثورة لبلحة.. الدور الجاي على الموظفين وإغلاق مصانع وتشريد عمال وبيع القطاع العام.. وشخلل علشان تعدي".


وتوقع حساب "شباب ضد الانقلاب": "‏الارتفاع المستمر لأسعار السلع الرئيسية ينذر بأن ثورة الجياع قادمة لا محالة إذا ظلت الأسعار في هذا الصعود الجنوني بينما الأجور في تدنّ مستمر". #لا_علاوة_ولا_بطاطس".

واقترحت سهير موسى: "‏‎#لا_علاوة_ولا_بطاطس.. عاوزين تغير اسمه من بلحة لبطاطساية".

وتقمص أبو حسام شخصية السيسي: "‏عايزين تأكلوا بطاطس ولا تبنوا بلدكم يا مصريين؟ عايزين تقدم وازدهار ولا عِلاوة سنوية يا مصريين؟ إنتوا لازم تموتوا علشان أنا أعيش يا مصريين. #لا_علاوة_ولا_بطاطس".

وكتبت ندى عبد العليم: "‏‎#لا_علاوة_ولا_بطاطس.. كل موظف ياخد أسرته ويطلع يبني البلد علشان الريص بلحة بيركب عجل ومش فاضي يبني". وتوقعت فاطمة: "‏‎#لا_علاوة_ولا_بطاطس.. فيلم العيد .. بلحة والبطاطس". وأعرب نبيل عن حيرته: "‏اليوم الخميس مش عارف إشتري بطاطس ولا أبني مصر! #لا_علاوة_ولا_بطاطس".

وغردت هناء ساخرةً: "‏‏جوعوا علشان بلحة يأكل .. اتعروا علشان هو يتغطى.. مش أحسن ما تبقوا زي تركيا أو ألمانيا. ‎#لا_علاوة_ولا_بطاطس".

المساهمون