#كحك_الجيش... سخرية من احتكار نظام السيسي لحلوى العيد

27 يونيو 2017
الصورة
سخرية من كحك الجيش (تويتر)
تصدر وسم "#كحك_الجيش"، قائمة الأكثر تداولاً في مصر، وسط مشاركات واسعة من رواد التواصل، سخرت من اقتحام الجيش سوق حلوى العيد، منافساً لأشهر العلامات التجارية المعروفة.

وزاد التفاعل بعد الأخبار التي تداولتها بعض الحسابات، عن القبض على الشباب أصحاب الفيديو الساخر من كحك الجيش، ولم يتم نشر الخبر من مصدر موثوق، وتبيّن أنّه كاذب، ​وسط حالة من التحريض الشديد من اللجان ضد شباب الفيديو، لكن الناشط شادي الغزالي حرب، نقل عن مصدر مقرب منهم نفي صحة الخبر.

ووسط استماتة كتائب السيسي الإلكترونية، وتهديدها ووعيدها للناشطين، لم يرهب ذلك رواد التواصل من استمرار السخرية من كحك الجيش، وحاولوا إرضاءهم بقولهم: "والله ماكحك عسكر".

في تغريدة له قال شادي الغزلي: "أنا مسحت البوست بتاع الشباب اللي عمل فيديو #كحك_الجيش_المصري، عشان وصلني أخبار من مصدر مقرب منهم انهم بخير، وان دي إشاعة نشرها موقع مصطفى بكري".

وسخر محمد جابر من تناقض موقف الكتائب قائلا: "اشهد يا تاريخ، اتحمقوا علشان اتريقنا على كحك الجيش، ومتحمقوش على بيع أرضهم، #كحك_الجيش". وشاركه "ناشط مش سياسي" السخرية: "‏تفرط في الأرض عادي، تفرط في النيل عادي، إنما تهين الجيش علشان بيعمل كحك تبقى خاين وضد جيش بلدك، #كحك_الجيش".


وغردت بهية: "‏#كحك_الجيش، والله وعملوها الرجالة". ونشرت الناشطة علياء جاد صورة لكبار قيادات الجيش في زيارة لمخابز الجيش وقالت: "‏لواءات الفيلق الخامس لنقش الكحك بسلاح الأشعة تحت البمبي، #كحك_الجيش". وتساءلت فاطمة ملمحة للسيسي: "‏طب هو الجيش بيعمل كحك بالبلح .. ولا بلحة بيتقمص؟ #كحك_الجيش".


وتغنى "زكي بشتكها" بكلمات الأغنية الشهيرة: "‏#كحك_الجيش قد أي تحدي، وده تكليف مش تشريف، ولا فخفخة ولا عز وجاه، حمل تقيل وهموم جيل، جاية وجايبة #العجوة معاه، اخترناه ولبسناه". أما "المصري أفندي" فاستعان بعبارة هند صبري الشهيرة من أحد الأفلام وقال: "‏أنا عايزة أدوق كحك الأسلحة والذخيرة يا ابراهيم، #كحك_الجيش".


 وطالب أحمد الجيش بتوسيع نشاطه: "#كحك_الجيش، كنت مستني الموضوع يتفتح عشان أكلمكوا في القضية دي، ليه دور القوات المسلحة بتركز على موسم العيد بس وبتغفل الموالد وحلاويتها؟!".

وعن هجوم الكتائب، خاطبهم عضو حملة السيسي السابق، حازم عبد العظيم: "كلنا بنقول الجيش المصري خط أحمر .. لكن كحك الجيش خط أبيض .. كحك الجيش بيتاكل مش بيدافع عن أمي عالحدود.. يعني ليس له قدسية .. ريلاكس منك ليه!". وكال عصام الاتهامات للنظام: "اللي أهان الجيش مش فيديو #كحك_الجيش و لا غيره .. اللي أهان الجيش هو اللي حكم باسمه، وباع الأرض تحت سمع وبصر الجيش وقياداته!!".