غياب الجمهور عن مران المنتخب الأخير يثير حزن المصريين

غياب الجمهور عن مران المنتخب الأخير يثير حزن المصريين

10 يونيو 2018
أجرى المنتخب مرانه الأخير قبل التوجه لروسيا (العربي الجديد)
+ الخط -



بعد 28 عاما من الغياب صعد المنتخب المصري إلى نهائيات كأس العالم في روسيا، ولكن عدم حضور الجمهور مران المنتخب الأخير، مساء السبت، باستاد القاهرة أثار غضب وحنق جماهير الكرة على مواقع التواصل الإجتماعي.

فكتب أحمد: "الاستاد الفاضي ده ومنتخبنا بيؤدي آخر مران ما هو إلا صورة لمصر التي يريدها بلحة. ممنوع الفرحة .. ممنوع الاحتفال .. ممنوع التجمعات".


فيما وجه السنهوري عدة تساؤلات: "فين جمهور الكرة الحقيقي في مران المنتخب؟ - يعني إيه لازمة إن المران الأخير للمنتخب يكون بحضور جماهيري غير إن اللاعيبة تحس بتشجيع وحماس الجمهور؟ — لازمته إعلانات ودعوات للشركة الراعية يا أفندم".


وفي مقارنة مع منتخب أوروجواي علق محمد عصام: "آخر تمرين لـ منتخب في بلده وأرضه وعلى أشهر استاد في الشرق الأوسط، قبل السفر لـ كأس العالم بعد غياب 28 سنة، ومنظر المدرجات زي ما هو واضح في الصورة، الصورة التانية لـ جمهور أوروجواي وهو بودع منتخب بلده قبل السفر لـ كأس العالم، اللي همابيروحوه كل سنة زي السلامو عليكم، الله غالب".


وغرد زيزو: "عرفتوا مصر لمين؟ روح بص فى استاد القاهرة كدا وهتعرف لمين، لشويه مطبلتيه".


وشاركه حدوتة: "بعد 28 سنه أول مره نروح كأس العالم وعاملين مران وداعى للمنتخب ف ستاد القاهرة اللى يشيل 70 ألف بحضور 5000 مشجع بس قاصرين على الشخصيات العامه "لدواعى أمنية" والمشجعين الحقيقيين بيتفرجوا ع التليفزيون، قال الشخصيات العامه دى بقى ولاد ناس بقى وكده فمش هيعملوا مشاكل يعنى".


وبجانب المران كان لتميمة المنتخب الرسمية النصيب من السخرية:
فكتب أحمد شريف: "أبص لجماهير أوروجواي في ماتش أوزبكستان واللي بيحصل في ستاد القاهرة وأعيط.. أشوف جماهير ألمانيا ضد السعودية وأبص علينا تاني وأعيط.. لحد ما شوفت التمساح بيرقص قررت انتحر!".


وعلق محمود علي: "من أتوبيس المنتخب في كأس العالم إلى شعار المنتخب اللي مكتوب على الأتوبيس في كأس العالم إلى تميمة المنتخب في كأس العالم، ياريت شركة بيرزنتيشن تراجع نفسها في اللي مسئول عن الكلام ده مش بعد 28 سنة غياب تعملوا في المنتخب كده".


وملخصا المشهد الكروي كتب التيمز: "طيارة المنتخب ومشاكلها، أتوبيس المنتخب وتصميمه، تميمة المنتخب وتمساحه الكيوت، تمرين المنتخب التحفيزي وسط جماهيره إللي الأمن منع دخولها، رئيس البعثه اللي سرق تيشيرتات المنتخب "اللي هيه اصلا وحشه" هي دي ماسر يا سادة ومش عشان وصلنا #المونديال هنتغير #منتخب_مصر #مجدي_عبد_الغني".

المساهمون