سخرية من نظام السيسي لتحصيله ضريبة من تجار المخدرات والدعارة

"ضرايب على المخدرات والدعارة والسلاح!"، هكذا صرّح سعيد فؤاد، رئيس الإدارة المركزية في مكتب رئيس مصلحة الضرائب المصرية، بأنه يجري إخضاع تاجر المخدرات لضريبة الدخل إذا قُبض عليه بواقعة منشئة للضريبة.

وأضاف في مداخلة هاتفية يوم الثلاثاء مع وائل الإبراشي في برنامج "التاسعة" عبر القناة الأولى المصرية: "حال القبض على التاجر يتم إخضاع المضبوطات لضريبة الدخل، وبحاسبه زي مموّل بيزاول نشاط، حتى لو كان النشاط ده غير قانوني".

واعترف أيضاً بأن ذلك يجري مع قضايا الدعارة والسلاح، لافتاً إلى أنه لا يعني الاعتراف بتلك الأعمال، لكنه اعتراف بإيراد يخضع للضرائب.

وتداول مغردون فيديو المداخلة، رغم مرور يوم عليها، وسط انتقادات لنظام الرئيس عبد الفتاح السيسي الذي يبحث عن أي طريقة لتحصيل المال، ولو كانت أموالاً مشبوهة.

أكدت مصلحة الضرائب في #مصر وبشكل رسمي انه من الان و صاعدا سوف تفرض ضرائب على نشاط الدعارة و تجارة المخدرات
احمد موسى ملزم بالدفع...

— احمد محمد حماني (@ahmedhamani0101) July 29, 2020

وكتب "دكتور نو": "‏دولة الانقلاب تحصّل  ضرائب من تجار  المخدرات والدعارة وهزّ الوسط.. أبشر يا شعب مصر انت بتاكل من الحرام  وتدور في فلك الحرام باعتراف مصلحة الضرائب ذات نفسها.. أي والله ذات نفسها ".

وتساءل حازم يوسف: "‏هو تحصيل ضرايب من تجار المخدرات والسلاح والدعارة مش ده كدا اعتراف بمشروعية تجارتهم؟".

هو تحصيل ضرايب من تجار المخدرات والسلاح والدعارة مش ده كدا اعتراف بمشروعية تجارتهم ؟

— hazem youssef (@Hazemmontasser) July 29, 2020

وطالبت نيفين السيسي بالتوضيح: "‏يا ريّس مش ناقص غير أن الدولة تاخد ضرايب من تجارة المخدرات والأعمال المشبوهة المجرمة قانوناً.. لازم يبقى فيه تفسير للكلام ده". @AlsisiOfficial".

بينما أوضح جو إبراهيم: "‏‎‎اللي يحقق ربح يدفع عنه ضرائب.. ده بالنسبة لمصلحة الضرائب كجهة جباية طبقاً للقانون.. أما المخالفة لها وقائع قانونية أخرى ولها الضبطية القانونية الخاصة بالمكلفين بها ودي لها قوانينها".

وغرد حساب "بلاليكا": "‏من زمان يا مصري وهما ياخدو ضرايب من تجار المخدرات والسلاح والدعارة"، وأشار محمد: "‏‎تحصيل الضرائب من تجار المخدرات والدعارة قائم من أيام مبارك أصلا بس محدش كان بيعلن".

وعن تعليمات السيسي بوزن العمال، تساءل "فاجيرو": "‏‎طب وبالنسبة لممارسات الدعارة وتجار المخدرات اللي مصلحة الضرائب بتقول إنها بتستخلص منهم ضرائب بعد تقتيم المجهود والربح؟ نظامهم ايه يا بلحة؟ حيتوزنوا كمان كل أول شهر؟".

تحت المجهر

فتيات "التيك توك"... انتقائية تطبيق القانون في مصر

بينما فضح صبحي عصام ألاعيب النظام: "‏‎تاجر المخدرات التقيل أو اللي شغالين في الدعارة لما بيتحبسوا  بيتم مصادرة الأموال اللي معاهم بس من نصاحة الحكومة ساعات بتروح كتباها ضرائب علشان لما المتهم يخرج مايخدش فلوسه تاني".

وتوقع إسلام: "‏‎دلوقتي يقولك المخدرات والدعارة عليها ضرايب ويتقبض عليهم بكره يقولك ضرايب وميتقبضش عليهم ويبقى نشاط مباح".

وسخر حساب "الطير المسافر": "‏تشتغل في المخدرات والدعارة دي حاجة بينك وبين ربنا .. تقع نحاسبك على الضريبة ونطلع روحك.. يعني من هنا ورايح تستخبوا كويس عشان هتتسجنوا بتهمة الاتجار في المخدرات أو الدعارة.. وتدفع ضرايب السنين اللي فاتت". كذلك انتقد النديم ساخراً: "‏يعني تاجر المخدرات بيدفع ضرايب وتحبسوه يا ظلمة؟".

يا ريس مش ناقص غير ان الدولة تاخد ضرايب من تجارة المخدرات و الاعمال المشبوهة المجرمة قانونا
لازم يبقى فيه تفسير للكلام ده@AlsisiOfficial

— nevine samir (@samir_nevine) July 29, 2020

أنا لو تاجر مخدرات ارفع قضية لتقنين المخدرات بعد أول ايداع ضرايب اعمله https://t.co/XQUeBxuivq

— Makram (@makram_s) July 29, 2020

على المصري اليوم الدولة تريد تحصيل ضرائب على تجارة المخدرات وتجارة السلاح وتجارة الدعارة ؟ الدولة تعترف انها بحاجة ماسة إلى هذه التخصصات ولكن كل مشكلتها أنها تريد أن تستفاد أكثر شوية ولا هي مهن ضرورية ؟من هيمول الإرهاب الا تجار السلاح ومن هيصور لهم زباين المخابرات غير الدعارة

— عيد المرزوقي (@marezogy) July 29, 2020

تشتغل في المخدرات والدعاره دي حاجه بينك وبين ربنا ...تقع نحاسبك علي الضريبه ونطلع روحك ...يعني من هنا ورايح تستخبوا كويس عشان هتتسجنوا بتهمة الاتجار في المخدرات او الدعاره ...وتدفع ضرايب السنين اللي فاتت🙄 pic.twitter.com/uLS6fnRMcL

— الطير المسافر (@eltearelmsafer) July 29, 2020

غرق البلد ف الديون و اتسرع ع الفلوس
مليارات اتصرفت على المستوطنة الإدارية الجديدة
بياخد ضرايب ع الهوا
بيهد بيوت الناس عشان يدفعوا
حياخد ضرايب من تجار المخدرات و المومسات (احنا شرفاء اوي)
و يقولك مدفعناش مليم من الموازنة على مستوطنته!

— حسبي الله ونعم الوكيل (@ahalim12) July 29, 2020

طالما حتاخدوا منهم ضرايب بتحبسوا تجار المخدرات والدواليب والمتعاطين ليه؟

— منى فضل الله (@Mona3iniMona) July 29, 2020