سخرية من فشل السيسي وعودة #حسن_شحاتة... وناشطون: "ماترجعوا مبارك بالمرة"

17 يوليو 2019
الصورة
أخبار عن عودة شحاتة للمنتخب (تويتر)
بعد الإعلان عن اختيار المدير الفني الأسبق للمنتخب المصري، حسن شحاتة، لتولي مسؤولية تدريب الفريق الفترة المقبلة، تصدّر وسم #حسن_شحاتة قائمة الأكثر تداولاً في مصر.

وبين الحديث عن قبول أو رفض شحاتة، سخر مغردون من لجوء نظام الرئيس عبد الفتاح السيسي لعجائز نظام المخلوع حسني مبارك لتولي المسؤولية، ما اعتبروه فشلاً للسيسي في إيجاد قيادات جديدة، متندرين بالقول "طب ما ترجعوا مبارك بالمرة بدل السيسي".

وكتب إسلام: "‏لو صحت أخبار تولي ‎#حسن_شحاتة المنتخب يبقى أوسكار للنظام السيسي في افساد أي ذكرى جميلة لمصر". وسخر "البوب": "‏هو مش كفاية أن السيسي ماسك الدولة هتجيبوا حسن شحاتة يمسك المنتخب.. والله كده كتير".

وعلق مختار البهي: "‏‎خلاص رجعوا حسن شحاتة ورجعوا حسني مبارك وحبيب العادلي وأحمد عز... وقولوا منتخب مصر كويس زي ما قال الريس.... استنسخوا القديم كله".
وأكد عمرو: "‏حسن شحاتة لو مسك المنتخب لازم مبارك يمسك مصر! يلا عالبركة خربت خالص كدة".

وغرد صاحب حساب "ابن حميدو": "‏فرج عامر يعلن (حسن شحاته مديرا فنيا للمنتخب المصرى) طب رجعولنا مبارك والدولار أبو 5.5 وتبقى كده عنب أوي".

بدوره طالب صاحب حساب "راكب دار": "‏‎حسام حسن طبعا وبدون نقاش حسن شحاتة فالاستديوهات كبر وباين عليه أوي الكبر ولو عايزينه بقى يبقى نرجع بالمرة مبارك وحبيب العادلي".

كذلك كتب صاحب حساب "الطبيب الساخر": "‏إحنا نجيب حسن شحاتة مدير فني.. وجوزيه يرجع الأهلي.. وتريكة ومتعب وحسام غالي يرجعوا التشكيل.. وحسني مبارك رئيس جمهورية.. ولتر البنزين بجنيه ونص وعلبه الميريت بـ 13 جنيه والصنايعية يبطلوا يقولوا كل سنة وانت طيب يا باشا".

وسخر محمد المشد: "‏لو هترجعوه يبقى جمال مبارك يرجع. #حسن_شحاتة". وتوقع أحمد نشأت: "‏‎وتقريبا اللى عاوز يرجع حسن شحاتة ده هو نفسه أدمن إحنا آسفين يا ريس اللى عاوز يرجع مبارك".

وقالت كاريمان: "‏هو احنا كل مانتزنق ونفشل ونخيب ونتفضح نعمل تيرن أوفر ونرجع لجعبة مبارك ونطلع فاشل أو كهل أو ممسوك دعارة أو حرامي ونقول مفيش غير كده مش أحسن متبقوا زي.. معتقدش في زي إحنا آخر التصنيف. ‎#حسن_شحاتة".
تعليق: