سخرية من حديث السيسي عن الإرهاب

لليوم الثاني على التوالي لفعاليات المؤتمر الدولي للشباب، المقام في محافظة شرم الشيخ المصرية، تساءل رواد مواقع التواصل الاجتماعي عن جدوى إقامته وغيره من المؤتمرات، وتفاعلوا مع تصريحات الرئيس، عبد الفتاح السيسي.

كالعادة تحدّث السيسي عن حرب مصر مع الإرهاب، معتبراً أنه صناعة شيطانية، وهو التصريح الأكثر تعليقاً بين المتابعين، فكتب مصري "مش محتاج تتحدث عن نفسك يا ريس".

وشارك يوسف "بلحة الإرهاب موجود في مصر مش من دلوقت.. دا موجود من الخمسينيات حقيقة، تصدق أول مرة تقول حاجة صح.. هو فعلاً موجود من الخمسينيات من 52، من بدء وصولكم للسلطة".

واستكمل الجنتل "السيسي: "حتى اللي معندهوش ضرر مباشر، لازم يتكاتف مع الدول اللي بتجابه الإرهاب، لأن الظاهرة بتنمو، وبقول لشباب العالم الظاهرة تنمو ولا تقل، ويجب أن ننتبه للنقطة دي"، البركة فيك من ساعة ما قلت إرهاب محتمل تحوّل لحقيقة، ومن وقت ما بدأت القضاء عليه بدأ هو ينمو، مسألتش نفسك ليه؟".

وأجابت أم معتز "لأنه هو من يصنع الإرهاب، والغبي عاوز مستثمرين ويطلبهم، هم أغبياء يروحوا للإرهاب ويرموا أموالهم في بلد ينمو ويكبر فيه الإرهاب يا ابن الغبية؟".

وفي حين طالب السيسي الأمم المتحدة بتطوير نفسها لمواجهة التحديات الحالية، سخر عمر أفندي معلقاً "وأشار الأمين العام للأمم المتحدة، أنه يشعر بالقلق من تصريحات".

وتساءل الكثيرون عن العائد من وراء المؤتمرات التي يعقدها السيسي، فكتب علي دياب "أنا مش هاتكلم عن مؤتمر الشباب الأخير، أنا هاتكلم عن الـ7 اللي قبله والملايين اللي اتصرفت عليهم، مصر استفادت إيه منها في عز ما احنا فقرا قوي؟ والله العظيم حرام كل الملايين دي تترمي في عز ما احنا مش لاقيين ناكل، علشان ابن العبيطة يقفش المايك ويهبّل.. لله الأمر".

وأضاف محمد رمضان "السيسي كل أسبوع بيعزم 8000 شاب من دول العالم، على حسابنا طيران وانتقالات وإقامة وأكل وشرب، يقدر سيادته يوفر 8000 فرصة عمل أسبوعياً للشباب المصري؟ طيب يقدر يهديهم رحلة عمرة أو حج؟ طيب ممكن يوفر شقق ليهم ببلاش؟ طيب ممكن يوفر فرش للشباب اللي عايز يتزوج؟ طيب ممكن يعمل حاجه مفيدة لهم؟".