#خرجوا_سيد_مشاغب_لابوه... مطالبات بخروج قائد ألتراس زملكاوي من السجن

22 مارس 2020
الصورة
تعود قضية مشاغب لما يعرف بـ"مجزرة الدفاع الجوي"(العربي الجديد)
+ الخط -
دشن، مغردون مصريون وسم #خرجوا_سيد_مشاغب_لابوه، للمطالبة بخروج قائد ألتراس زملكاوي، سيد مشاغب من محبسه لزيارة والده المريض. 

وتعود قضية سيد مشاغب لعام 2015، فيما يُعرف بمجزرة الدفاع الجوي، قبل مباراة الزمالك ضد فريق إنبي في الدوري المصري، وقتل فيها 19، وأصيب العشرات، من جماهير نادي الزمالك "ألتراس وايت نايتس".

وأصدرت محكمة جنايات القاهرة، أحكاماً متفاوتة بالسجن على عدد من المشجعين، كان نصيب مشاغب منها 7 سنوات. 

وكتبت منى سيف: ‏"في وسط كل اللي بيحصل، والد سيد مشاغب حالته بتتدهور جدا، خرجوا سيد، هو مش المفروض يبقى في السجن أصلا، وأهله حقيقي محتاجينه!. #خرجوا_سيد_مشاغب_لأبوه".

وكتب حساب باسم زمالك تيم: ‏"مش سيد مشاغب فقط، ولكن كل شخص تم حبسه ظلم على خلفية غير جنائية، طالما لم يسرق ولم يقتل، ففى هذه اللحظات الصعبة الناس دي يفرج عنها، حتى يبعد عنا الله هذا الوباء #خرجوا_سيد_مشاغب_لابوه".

وشاركت منة محمد: ‏"حبس خمس سنين، والتهمة مشجع كورة! كل يوم والد سيد حالته الصحية بتدهور، خرجوا سيد يقف جنب أبوه #خرجوا_سيد_مشاغب_لأبوه". 

وعلق عمر محمود: ‏الموضوع أكبر من الكورة وأكبر من التشجيع وأكبر من أي حاجة، الموضوع إنساني ومش عايز غير ناس عندها رحمة، افرجوا عن سيد يكون مع والده المريض وحسوا بالناس شوية كفاية الوباء اللى احنا فيه ‎#خرجوا_سيد_مشاغب_لأبوه".

وشارك خالد جيكا: ‏"خمس سنين" فى العقرب بعيد عن أبوك عن أمك عن مراتك عن إبنك عن بنتك عن أخوك عن الحياه كلها، وآخر 3 سنين فى عمرك بين أربع حيطان، خمس سنين بتشوف عيلة النسر 24 ساعة، 5 سنين نفسك تشوف الشمس، ماحدش يقدر يتحمل كل ده غير واحد بس سيد خرجوا سيد يعيش حياته اللى ضاعت #خرجوا_سيد_مشاغب_لأبوه".

وكتب مصطفى: "‏عم علي في حالة صحية خطرة والمرض الخبيث انتشر في جسمه، ومش محتاج غير إنه يبقى جمب إبنه في أيام زي دي، عم علي محتاج ابنه جنبه في هذا البلاء، وأقل واجب على كُل حـُر أن ينطق بكلمة الحق المنطقية، مهما غاب المنطق، اتكلموا عن سيد كتير وقولوها بأعلى صوت #خرجوا_سيد_مشاغب_لابوه". 

وكتبت همس أسامة: "‏تخيل تبقي تعبان وبتموت ومش عارف حتي تشوف إبنك اللي محبوس بقاله سنين، بذنب لا يعلمه إلا الله، إحنا دلوقتي مش بنتكلم ف هو برئ ولا لا، لأن الدنيا كلها عارفه وعارفه مين المذنب، بس حتي إنه يخرج يودع أبوه دا ممنوع!، مش كفايه يعني السنين دي كلها وهو بعيد عن أهله وعياله #خرجوا_سيد_مشاغب_لأبوه".  

المساهمون