النظام يستنجد بمحمد رمضان وفيفي عبده لمنع تظاهرات الجمعة

24 سبتمبر 2019
الصورة
تتواصل الاحتجاجات ضد السيسي (فرانس برس/Getty)
في خلط متعمد بين الرئيس عبد الفتاح السيسي وبين مصر، لا يكف النظام عن توجيه رسائل عبر الإعلاميين تارة، ونجوم الفن تارة أخرى، والتحذير من أن سقوطه هو سقوط البلد.

وبعد نجاح دعوات الفنان محمد علي، للشعب المصري في النزول للمطالبة برحيل السيسي، يوم الجمعة الماضي، واستجابة عدد كبير في بعض محافظات الوجه البحري والقاهرة، ومع ظهور دعوة أخرى لتجديد التظاهر يوم الجمعة القادم، دفع النظام بالراقصة فيفي عبده والتي وجهت سباباً للثوار وبألفاظ فاحشة، مطالبة بعدم الاستجابة لدعوات المصريين المقيمين في الخارج، وهو ما جعل اسمها يحتل قائمة الأكثر تداولاً في "التريند" المصري لعدة ساعات.

وكتبت الحاجة دودزي "طبعا إن الدنيا تتملي فيديوهات وإشاعات، وصفحات وفنانين ده تكتيك مخابراتي عالي فشخ، الغرض منه التشويش على محمد علي، مش الغرض منه كسب تأييد أو معارضة حد، ده تشويش وتشتيت مجهودات في تعليقات وكلام غير مهم، وعامة الشعب بتحب الحاجات دي قوي، وتكتر الفترة اللي جايه، فيفي عبده البداية".


وسخرت مايا "ماليش دعوة بالكلام اللي قالته، هي أصلآ كلامها كله جهل، أنا بس عايزة أعرف هي ليه لابسه نضارة شمس في أوضة النوم!!".


وعلقت زوزو محمد "يعنى لما واحده زي فيفي عبده، تشتم بأقذر الألفاظ وتسب الدين للشعب، وهي المفروض الأم المثالية، وبنت محترمة زي جود Gsamer31 يتقبض عليها، لمجرد إنها بتقول للظالم لأ، وبتدافع عني وعنك يبقى لازم كلنا نقول #ارحل_يا_سيسيي".


وشارك عماد البحيري "دول معتبرين حركة عمرو أديب إمبارح إنتصار ساحق، مع إنها جابت نتيجة عكسية، وكمان طلعوا تيتة فيفي عبده تسب الدين وتشتم، و اللى يأكد إن جرابهم بقي فاضي، مطلعين يوسف الحسيني من التلاجة بعد ما أتجمد ٣ سنين، اللي مصر كلها سمعت مكالماته الجنسية، وعرفوا متسيطر عليه إزاي. بقولك أحوالهم كرب".


على الجانب الآخر، رفع الممثل محمد رمضان، مقطع مصور وجهه للشعب المصري، جاء فيه "بخصوص القصور الرئاسية، أنا فكرت في الحكاية دي وسألت عنها، ولقيت أن القصور دي بتتبني عشان القادة الأجانب لما يزوروا مصر، مش معقول حنسكنهم ف شقة، القصور للرؤساء والملوك اللي جايين مصر، لإنها في وشنا إحنا، ولما يرجع بلده هايعامل المصريين كويس"، وأضاف "مش عاوزين نشمت حد فينا، وأنا غيران على بلدي، والناس الهربانة بيحاولوا يقوموا الدنيا، وأنا غيران لأني مش عاوز نتحرك زي العرايس الماريونت، واللي بيحرضوا على التظاهر، مش بياكلوا من أكلنا ولا بيشربوا من النيل وبيتحركوا من بره البلد".

فعلقت بسكوتة "هم لقوا الناس واكل معاهم شعبية محمد علي وألفاظ وائل غنيم .. فجابوا محمد رمضان بصفته سرسجي، وفوفا بصفتها رداحة على أساس الناس عاجبها الأسلوب، فهاتسمع أي محتوى بقى مش مهم".


وكتب جو2 "لما يبقى شعبان عبد الرحيم وحمة بيكا، هم الظهير والواجة الفنية الداعمة للسيسي، وإن محمد رمضان هو الداعم للجيش، لازم تفهم حاجه إن الجيش عايز يخلص من السيسى #ارحل_بقى_ياسيسى".


وبأسى كتب سعيد "والله لو كان الفنانين والمشاهير يحبون شعبهم،اللي هو السبب الأول في نجاحهم أكثر من الرؤساء والملوك، لكان من السهل تنحية أي طاغية كيفما كان ، لكن حظنا أعطانا فيفي عبده و محمد رمضان".


وبسخرية تساءل إمام "الفنان محمد رمضان بيقول إن القصور معمولة لاستقبال رؤساء الدول، وانها واجهة لمصر، في الوقت اللي رئيسه السيسي ، مقر إقامته في أمريكا عبارة عن فندق !! هي أمريكا مابتبنيش قصور ليه لضيوفها؟، بجد ملهمش حق #ارحل_يا_سيسي".