#العاصفة_الترابية تراوغ نظام السيسي... "اشتغلتهم ومجتش!"
#العاصفة_الترابية تراوغ نظام السيسي... "اشتغلتهم ومجتش!"
من عواصف ضربت القاهرة عام 2015 (فايد الجزيري/باسيفيك برس)
"العاصفة الترابية اشتغلتهم ومجتش"، بمثل هذا التعليق الساخر قضى رواد التواصل ليلتهم في انتظار العاصفة والسيول، التي توقعت هيئة الأرصاد الجوية المصرية تعرض البلاد لها هذا الأسبوع، وحذرت أذرع النظام منها كثيراً.
ووصل وسم #العاصفة_الترابية لمركز متقدم في قائمة الأكثر تداولاً، وسط مشاركات ساخرة في معظمها من الدعاية الحكومية، لعاصفة لم يرها إلا قليل من المصريين في الصعيد.
ووصل الأمر بأذرع الرئيس المصري عبد الفتاح السيسي، للترويج للاستعدادات الكبرى لمواجهة العاصفة، التي لم تأت، وعلى رأسهم عمرو أديب الذي طبل كثيراً لتلك الاستعدادات، عقب إعلانه عن مغادرة قناة "ONE" منتصف الشهر الجاري، على العكس تماماً مما جرى منذ أيام، حين حاصرت السيول العديد من المدن، والأحياء الراقية في العاصمة، من دون أي توقع أو استعداد من النظام، ليسخر ناشطون: "الحكومة عاملة زي اللي ضحك على نكتة بعدها بكام يوم".
وسخرت شهد من استعدادات الحكومة: "وعندك 50 مليون لزوم شراء حلة كبيرة نلم فيها الأمطار اللي حيشوفها الرادار. #العاصفة_الترابية"، أما فاطمة فوصفت نفسها: "أنا المصري اللي مستني المفاعل النووي أو النيزك حاجة في الرينج ده. #العاصفة_الترابية".
وتساءلت آية: "#العاصفة_الترابية هى العاصفة جت ومشيت وأنا نايمة ولا لسة ماجتش؟ أنا مستنية أهه .."، وسخر عموري متقمصاً شخصية السيسي: "فضلت أقولكم بوسوا تراب مصر بوسوا تراب وانتوا مش عاوزين تبوسوه عاجبكم كده.. أهو إنتوا هتطفحوه أهو". #العاصفة_الترابية".
وعلقت سوما على موعد العاصفة: "#العاصفة_الترابية عاصفة مصرية بقا مواعيد فظيعة"، وخاطبت آية هيئة الأرصاد: "#العاصفة_الترابية بسبب أخباركم المصونة انتوا عارفين ان الناس كانت بتجري بهلع وكنتوا هتتسبوا في كذا حادثة مريعة! #الأرصاد انتوا ليه مش بتتحاكموا على بيانتكوا الغلط ليه!!؟".
ونصح تامر: "#العاصفة_الترابية. طب نقفلها ونفتحها يمكن تشتغل؟!"، وأعلن حساب ساخر يحمل اسم رئيس كوريا الشمالية "كيم جونغ أون": "تعلن دار الإفتاء المصرية أن غدا هو المتمم ل#العاصفة_الترابية، وكل عيد وعمال مصر بخير.. نتمنى لكم ترابا شهيا".
أما فتحي فسخر من الساخرين أنفسهم وقال: "شعوب دول العالم بتخاف من#العاصفة_الترابية واحنا في مصر بنسأل هي اتأخرت ليه ... شعب مالوش حل. لو قالو نيزك هيضرب الأرض هننزل الشوارع نبص عليه وهو نازل".
كذلك سخرت "بنت صاحب تويتر" عن استعداداتها الخاصة: "أنا قفلت كل الشبابيك والبلكونات ... وحضرت الكمامة والبخاخة وجهزت كل حاجة ... مش فاضل غير العاصفة ... الغايب حجته معاه. #العاصفة_الترابية". وسخر شعبان حجازي من عاصفة السيسي: "سؤال السهرة .. أخبار العاصفة الإدارية الجديدة إيه؟".
