الحكومة المصرية تقلل حجم رغيف الخبز... وغضب على مواقع التواصل

الحكومة المصرية تقلل حجم رغيف الخبز... وغضب على مواقع التواصل

17 اغسطس 2020
سخط شعبي واسع النطاق من سياسات الإفقار الحكومية (فرانس برس)
+ الخط -

ما إن أعلنت وزارة التموين المصرية تقليل حجم رغيف الخبز من 110 غرامات إلى 90 غراماً، وزيادة تكلفة إنتاج جوال الدقيق بين "25- 43 جنيها" للمخابز اعتباراً من غ الثلاثاء، حتى لاقت الخطوة هجوماً واسعاً وغضباً عارماً على مواقع التواصل الاجتماعي.

بسخرية علّق حمادة: ‏"من أول شهر 7 أسعار الكهرباء زادت، واليوم أسعار المترو، وغدا يتم تخفيض وزن رغيف العيش 20%، لازم الفقراء يقفوا بجانب الحكومة وهي بتحاول تحسين وضع الأغنياء".

وكتب الملك: "‏أنتم بتعاملونا معاملة العبيد، زود كهرباء زود ميه زود غاز، ادفع فلوس واشتري بيتك اللي انت بانيه من فلوسك، اعدمونا وريحونا بقى، حسبي الله ونعم الوكيل فيكم، تزوّدوا كل حاجة وتنقّصوا رغيف العيش". 

وشارك محمد: ‏"تذكرة ‎#المترو بقيت بـ10 جنيهات، رغيف العيش من 110 جرامات إلى 90 جراما، ماحدش قادر يفتح بقه، ماحدش عارف بكره حايلاقي ميه يشرب ولا لأ، ماحدش عنده شعور بالأمان أو مطمّن على مستقبل أولاده، كله شايف البلد بتتقطع حتة حتة وتتوزع ع اليونان وقبرص والسعودية وساكتين، ياريت تكونوا بس مبسطوين بالانقلاب". 

واستكملت أصالة: ‏"والله والله لو رغيف العيش بقى بـ100 جنيه، وبقينا ناكل من البعض زي الزومبي من الجوع، عمري ما حاندم على مشاركتي في ثورة 25 يناير، مهما ضلت طريقها هي أعظم وأهم حدث في تاريخ مصر". 

ولخصت مها: ‏"كده رفع سعر رغيف الخبز 20%، بهدوء من غير مالطبقة الفقيرة تشعر، ما هي 20 جراما لا تشبع ولا تغني من جوع". 

بدوره، شرح أيمن البنا: "‏الحكومة المصرية تدعم الخبز في الموازنة بـ42.5 مليار جنيه، وقرارها تخفيض وزن رغيف الخبز من 110 جم الى 90 جم، معناه فعلياً تقليل الدعم بنسبة قرابة 22%، أي ما يعادل 9.3 مليار جنيه انخفاض دعم للخبز في الموازنة بالتلاعب في الوزن #لعيبة". 

وغرّد الإكسلانس: ‏"فيه خبر عن تخفيض وزن رغيف العيش من 110 جرامات إلى 90 جراما، لو الخبر ده صحيح يبقى الحكومة مع السيسي، كل اللي شاغل بالهم إزاي يذلوا الشعب ده ويهينوه. ويفقروه أكتر وأكتر مابقاش يعدّي أسبوع واحد من غير قرار لإفقار الشعب وتجويعه".