#البنزين يتصدّر قبل #الصب_في_المصلحة والمصريون غاضبون

ودشّن مغردون وسم "#الصب_في_المصلحة"، للتدوين عن وضع المواطنين قبل صدور قرار رفع سعر الوقود. ووصف ناشطون ما يحدث بـ"التلاعب بأعصاب المواطنين من قبل أجهزة مخابرات النظام، قبل أن تحين لحظة التنفيذ".

وسخر محمد فوزي من حال المواطنين: "‏‎#البنزين.. متشوفوا يا جماعة البنزين هيغلى ولا لأ مش عارفيين ننام!!".

وتوقع صاحب حساب "أوزوريس": "‏مخابرات بتلاعب شعب.. ممكن تكون الأخبار النهاردة عشان يخبروا رد فعل الناس.. أو عشان يفرغ شحنة الغضب ويزودوا بعد كام يوم. أو يقول سعر وبعدين يطلع أقل منه فالناس تحمد ربنا.. بيحكمنا ناس بتستغل علوم المخابرات ضد شعبها مش عدوها. #البنزين".

وغرد رماحي: "‏أغبيا.. انتوا فاكرين لما يرفعوا سعر حاجة هيعرفوكم، في الحاجات اللي زي دي بيخدونا على خوانه.. على غفلة كده من غير ماحد ياخد باله.. مفيش حاجة هتغلى ناموا متخافوش. ‎#البنزين".

واشتكى محمد نقراشي: "‏يا باشا أنا بقيت بحط 50% من دخلي مواصلات هنروح فين تاني. #البنزين".

وقال رضا مؤمن: "‏‎#الصب_في_المصلحة.. بعد ما دمر اقتصادنا ودمر الزراعة والصناعة دلوقت يغلي الأسعار على الغلابة لصالح شلة الحرامية بتوعه".

وأكدت أمل محمد: "‏‎#الصب_في_المصلحة.. كل يوم بل كل ساعة بتمر على هذا الانقلاب المجرم بيكون أسوأ لبلدنا من الساعة اللي قبلها".

وكتبت مها: "‏‎#الصب_فى_المصلحة.. لا والله ما حكم عسكر.. ده فشل عسكر.. ده مصائب عسكر.. ده فساد عسكر".

وحلل علي السيد: "‏‎#الصب_في_المصلحة.. الموضوع مش موضوع بنزين وبس.. الموضوع هو إفقار الشعب.. هتقعد تدور على أكلك وشربك وتنسى حريتك وكرامتك.. تنسى تراب وطنك اللي بيتباع".