اتهامات لنظام السيسي بالتسبب في #الموجة_الثانية من كورونا 

تصدر وسم #الموجة_الثانية قائمة الأكثر تداولاً المصرية، بعد تداول أخبار عن عودة أعداد المصابين بفيروس كورونا للزيادة، وإعلان وزيرة الصحة إعادة فتح 21 مستشفى عزل للعمل. واتهم مغردون نظام الرئيس عبد الفتاح السيسي بالتسبب في الموجة الثانية من الفيروس بإهماله الإجراءات الاحترازية، وإصراره على إقامة انتخابات مجلس الشيوخ، رغم التحذيرات.
وطرح حسام تساؤلاً: "‏هو ازاي يا مصري أعداد حالات كورونا امبارح بس في بعض الأندية اللي عملوا مسحات للعيبة والأجهزة الفنية يقارب الـ50 ومصر كلها فيها 178.. يعني ناديين تلاتة فيهم ٥٠ ومصر كلها فيها ١٢٨! #الموجة_التانية". وحذر مصطفى عامر: "‏‎#الموجة_التانية .. الكورونا ما مشيتش عشان ترجع ...الناس هي الي زهقت من القعدة في البيت ....والكورونا مفهاش مناعة قطيع لأنها ممكن تجيلك مرة واتنين وتلاتة ...ربنا يلطف بينا ويعين على ايجاد اللقاح".
وكتب "دكتور خشبة": "‏‎#الموجة_التانية بدأت في الظهور في الدول الأوروبية ذات القدرات الطبية العالية والإمكانات المتوفرة الا أنها باتت تحذر بقوة بعد رصد ارتفاع الإصابات بعد إجازات الصيف وزيادة المخالطة بين الناس بعد انحسار مؤقت للمرض.. تعاملوا بجدية وحافظوا على أرواحكم فلا ضرر ولا ضرار.. حمانا الله جميعاً".

ما هو مكانش منطقى تماما اعداد المصابين ب كرونا تقل بالشكل دا و الناتج عن دا الطبيعى يعنى تكون موجه تانيه و دا مش استهتار الشعب و عدم الوعى منه ! دا عدم وعى من الحكومه و التساهل فى كل حاجه. #الموجة_التانية

— 🦋 (@passantafifi) August 10, 2020

وعلقت بوسي: "‏‎#الموجة_التانية بالنسبة لباقي العالم أما نحن فما زلنا في خضم الموجة الأولى وستطول معنا طالما بقيت الأمور على حالها والمعالجة الفاشلة للفيروس مستمرة". وسخرت أسماء: "‏اتصل بيا من دقايق معدودة المعلم عرفان صاحب القهوة و طمني على الإجراءت الاحترازية إللي واخدينها إللي من أهمها غسل الكوبايات بالمياه بعد كل 150 دور شاي مع مراعاة التباعد الاجتماعي بين الكوبايات. #الموجة_التانية".

تحليلات

التحديثات الحية

بعد الهزيمة أمام كورونا: هل باتت الأوبئة أشدّ شراسة وصعوبة؟

وأشار محمد: "‏‎#الموجة_التانية.. مكنش في عدوي ولا واحد حتى أيام الحظر في المركز اللي أنا فيه حاليا كل يوم بسمع أسامي ناس اتصابوا وناس ماتت حتى للي كان بيراقب عليا في امتحانات الكلية مات بالفيروس .. الأرقام كبيرة في مركز صغير وناس كتير مصابة مكتمين على الخبر والمستشفي بتكتب سبب الوفاة التهاب رئوي". وعلى وزن أغنية شهيرة غرد أبو مالك: "‏موجة تااااااااني هو احنا كنا طلعنا من الموج الأولاااااااااني. ‎#الموجة_التانية. #كورونا".

الدولة ستساهم فى #الموجة_التانية بسبب هذه الانتخابات
لا كان وقتها ولا ليها لازمة اصلا
والشعب هيكون الضحية مرة اخرى
الارياف والمناطق الشعبية شغالة شوادر ولا وقاية ولا هباب والحالة هتبقى زفت وطين على دماغ الكل pic.twitter.com/JCyd41yiUV

— Dr.Amal Ahmed (@viewsama) August 10, 2020

وأكد عبد العال المصري: "‏طول مانت ملتزم بالكمامة والتباعد الاجتماعي وبتحكم سيطرتك على المصابين وذويهم وعامل كنترول في المطارات وموانئ الدخول مفيش حاجة اسمها ‎#الموجة_التانية إلا لو كانت الحكاية ماشية بستر ربنا من البداية.".
كما كتب "مصري": "‏مفيش عندنا في الوطن العربي بجنيه شفافية وأي حاجة بتقولها الحكومات مكانها الزبالة وبلاش زيطة وراهم ‎#الكويت ‎#السيسي_خربها_مستني_إيه ‎#المرحلة_الرابعة ‎#الموجة_التانية". وعبر كريم عن تشاؤمه: "‏فعلا الفيروس رجع بقوة وهيدوس علينا كلنا. #الموجة_التانية".

طيب نرجع ونقول كلاكيت تانى موجة من كورونا للفيلم المصرى الكبير استهتر كمان وكورونا بالمجان#الموجة_التانية

— 🌻 ندى 🌻 (@nadaes_74) August 10, 2020

#الموجة_التانية
هو انا كنت حمل الموجة الأولي من كورونا pic.twitter.com/HM0jsYYBvy

— Anonymous (@Anonymo76871678) August 10, 2020

هوا احنا لسه خلصنا من الاولي عشان يبقي في موجه تانيه 😂😂#الموجة_التانية pic.twitter.com/UYGAeiWQsK

— Awad. Nwara (@AwadNwara) August 10, 2020

مستشفي النجيلة ومستشفي بلطيم للعزل رجعوا فتحوا تاني واستقبلوا حالات

كمامتك ع بؤقك كحلك في جيبك .. تباعدوا تقوية المناعة .. وانصحوا اللي تعرفوهم#كوفيد١٩ #الموجة_التانية

— فراشة 🦋 ثائرة (@SARA2zal) August 10, 2020

الموضوع يا جماعة منتشر جدا فوق ما اي حد يتصور التزموا بالله عليكم لان التجربة قاسية و مريرة جدا
ربنا يكشف عنا الوباء و يرفع البلاء #الموجة_التانية

— ahmed Magdy (@AmMagdy92) August 10, 2020

#الموجة_التانية بالنسبة لباقي العالم اما نحن فما زلنا فى خضم الموجة الأولى وستطول معنا طالما بقيت الأمورعلى حالها والمعالجة الفاشلة للفايروس مستمرة

— Bosi (@sobhanallahwbha) August 10, 2020

#الموجة_التانية الكورونا ما مشيتش عشان ترجع ...الناس هى الى زهقت من القعده فى البيت ....والكورونا مفهاش مناعه قطيع لانها ممكن تجيلك مره واتنين وتلاته...ربنا يلطف بينا ويعين على ايجاد اللقاح

— Mostafa Amer (@Dr_mostafa91) August 10, 2020