حلقة جديدة من الاستفزاز تفاعل معها المغردون، فور انتهاء إثيوبيا من ملء المرحلة الأولى من بحيرة سد النهضة، وتوصيات "الاتحاد الأفريقي" بعقد اتفاق ملزم بين مصر والسودان وإثيوبيا، رد عليها المتحدث باسم الخارجية الإثيوبية بالقول: "نسعى إلى عقد اتفاق استرشادي غير ملزم بشأن سد النهضة"، ليتساءل مغردون "وليه اتفاق طالما مش ملزم؟".

وأثارت تصريحات المتحدث باسم الخارجية الإثيوبية غضب أذرع وكتائب نظام الرئيس عبد الفتاح السيسي، ومنهم عمرو أديب في برنامجه "الحكاية" على قناة "أم بي سي مصر". إذ عبّر عن خيبة أمل النظام المصري، واستنفاده كل السبل، واستفزاز الجانب الإثيوبي المستمر. وقال أديب "انت عندك انتخابات في اغسطس وبينكم سياسة أنا ماليش دعوة وعايز أشرب مية".

وغرد يوسف: "‏‎يعني ايه بعد كل المرار ده والمماطلة دي اتفاق غير ملزم.. يعني ممكن الرجوع فيه وعدم الالتزام به في أي وقت  وطبعا ده حيحصل منها يبقى ايه لازمته؟منتهى الاستفزاز".

وكتبت هالة بدوي: "‏غير ملزم يبقى اتفاق ازاي! ولزومه ايه؟ اذا كان اللي بيتكلم مجنون يبقى المستمع عاقل".

 وسخر هاني هلالي: "‏الخارجية الاثيوبية في تصريح بتقول عايزين اتفاق غير ملزم ولا يحد من تصرفاتنا القادمة طيب يبقى اتفاق ليه أصلا.. المعنى الحقيقي للتفاوض مع سباك".

وبمرارة قال عبد الرحمن: "‏لكن لما ربنا يبقى كاتب على واحد من خلقه الخذلان والصغار  يوصل الوضع للي وصلناله.. إثيوبيا تلعب بيك كورة وتملى السد من غير اتفاق وتقولك (النيل لنا) وكمان تقول النهاردة آخركم معايا اتفاق استرشادي غير ملزم".

وقال محيي حسن: "‏‎#سد_النهضة بتصميمه وبناءه وبحجمه هذا وبمماطلة إثيوبيا وتعنتها في المفاوضات ورغبتها في اتفاق غير ملزم لها يظهر لنا أن هذا السد بني ليس من أجل التنمية وتوليد الكهرباء كما يروجون.. إنما بني خصيصاً لتعطيش ‎#مصر وتركيعها.. السيف أصدق أنباء من الكتب في حده الحد بين الجد واللعب".

وكتب أحمد عبد العزيز: "‏‎خد هنا.. عن أي دبلوماسية بتتكلم.. دا كل شوية واحد يطلع يقول النيل بتاعنا وبعد شوية يقول مش هنملئ السد غير باتفاق الدول الثلاثة.. هي دي الدبلوماسية في إثيوبيا ولا ايه.. وبعدين في حاجة اسمها اتفاق غير ملزم كده.. كيف يبقى اتفاق أساساً".