"سلطة السيسي" تثير سخرية المصريين

طبق "سلطة السيسي" يثير سخرية المصريين

15 ابريل 2019
الصورة
تساءل المعلقون عن مقادير هذه السلطة (ميخائيل سفتلوف/Getty)
+ الخط -
أثار رئيس الشركة الوطنية للزراعات المحمية بمصر، اللواء محمد عبد الحي، سخرية واسعة بقوله إن الرئيس عبد الفتاح السيسي، سأله خلال العام الماضي "طبق السلطة في بيتك بيتكلف كام؟"، ليرد عليه "تقريباً 15 جنيه".

وأضاف للمذيع عمرو أديب في برنامج "الحكاية"، بفضائية "mbc مصر"، أن الرئيس السيسي قال له: "أنا عايز طبق السلطة مايزدش عن 3 جنيهات".

التعليمات أثارت استهجان وسخرية رواد مواقع التواصل الاجتماعي، فكتب عمرو رودريجز: "طارق عامر: الرئيس قاللي عايز فكة ورقة بـInfinity خمسات"، وعلّق أمينحتب: "لازم نعرف حجم الطبق، ولكام شخص أبو 3 جنيه ده!".

وشارك أحمد: "يعني طبق السلطة عند اللوا بـ15 جنيه، ودلوقت عاوزه للشعب بـ 3 جنيه، إنت متخيل بصلة وطمطماية ولمونة وكام فرعة جرير يبقوا بـ 3 جنيه؟ يعني دا مش مؤشر على حالة الغلاء اللي ربنا ابتلى بيها الشعب؟".

وأضاف: "أهو عندك مزارع أسماك واللي مشرف قادة مقاتلين، وعندك فراخ تموين بـ 75 قرشا، وعندك كيلو اللحمة بجنيه واحد، وأهو طبق سلطة أقل من 3 جنيه، عاوز إيه تاني يا شعب؟".


وتساءلت لينا جمال: "اللواء محمد عبد الحي: "رئيس الشركة الوطنية للزراعات المحمية، الرئيس السيسي اتصل بيا العام الماضي، وقالي عايز أزرع نوع من الطماطم اسمه المزه، وعايز طبق السلطة مايزدش عن 3 جنيه.. ونفذت طلبه؟".

وعلّق سعيد النجار: "طبق سلطة في بيته بـ 15 جنيه! الحقيقة إحنا مش فقرا أوي ولا حاجة! إنتم اللي حرامية أوي أوي".

وبسخرية شارك أبو يوسف: "طريقة عمل طبق سلطة بـ 3 جنيه المقادير.. ورقة خس + عود جرجير + ربع خيارة + نص طمطماية + ربع فلفلاية + نص لمونة، وتضربهم كويس في الخلاط وتصفّيهم كويس، بس دول ما تشربهمش، أمال أعمل بيهم إيه؟، طب أقولك وما تزعلش؟! اعمل بيهم ماسك".

دلالات

المساهمون