"ساندوتش" جبن في سويسرا يفتح النيران على المذيعة المصرية بسمة وهبة

04 أكتوبر 2019
الصورة
هجوم في مواقع التواصل الاجتماعي على مذيعة مصرية (Getty)

تداول رواد مواقع التواصل الاجتماعي مقطع فيديو، تظهر فيه المذيعة المصرية بسمة وهبة وهي مستاءة من سعر "ساندوتش" الجبنة في سويسرا. وتقول فيه "ساندوتش جبنة وورقة جرجير، وسلايس طماطم حتى مش كاملة، ده يرضي حد دا يا جماعة بـ90 جنيه؟ الحياة غالية في سويسرا، اللي جابرني ابننا يتعلم كويس، عايزة ابني يتعلم كويس، مش هاجي هنا تاني، أنا بجد راجعة مصر".

مقطع الفيديو جعل المذيعة محط هجوم وسخرية من رواد مواقع التواصل الاجتماعي، وكتبت نبيلة السيد "طبقة الجرابيع اللي معاها ملايين وعايزة تعيش ببلاش.. ويتنططوا على الفقرا ويقولهم كلوا فول وجبنة مش لازم لحمة وفراخ كل يوم! زعلانة على سعر سندوتش مش مكمل خمسة دولار ونص فى سويسرا!".


وأضافت "عايزين يعيشوا في سويسرا بأسعار مصر.. بجاحة منقطعة النظير والله، طيب هو الدخل في مصر زي الدخل في سويسرا يا عرر!!؟؟".

وتساءل شحاتة "طب ما صورتش ليه لتر اللبن الفريش أبو 15 جنيه في سويسرا، وكيلو الرز أبو 16 جنيه وكيلو الدقيق أبو 12 جنيه، وعلى فكره في محلات تانية أحسن وأرخص، بس هما جرابيع و بيتمنظروا، أنا باشترى سندوتش فراخ بانيه بالكاري وزنه 350 جرام بـ3.9 فرنك يعنى 65 جنيه".

وعلقت غادة : "بسمة وهبة مستاءة من سعر ساندوتش الجبنة في سويسرا، وهي موديه إبنها هناك عشان يتعلم كويس، هم عيالهم يتعلموا في سويسرا، واحنا عيالنا تموت في الكمين والمعتقلات يوم المعتقل 25 10".


وعلق محمد سيد: "بسمة وهبي ولا وهبة زيها زي كلهم، مصر بالنسبة لهم مغرفة فلوس يملوا منها خزاينهم ويطلعوا يصيفوا ويعلموا ولادهم بره، ربنا يزيدهم إحنا راضيين وساكتين بس للأسف هما اللي مش راضيين ولا ساكتين، مصممين يطلعوا يطفحوا علينا وينظروا أن مصر أم الدنيا، وإنها أجمل بلد ف الدنيا! طب سايبنها ليه؟".

وغرد أحمد بيكو: "مش دي بتاع مطعم بلكونه أبو بيض مدحرج، وأسعارهم المبالغ فيها؟ جايه بتعلق على أسعار سويسرا، يا بسمه بيني وبينك فرق العمله هو اللي مضيع الدنيا.. ششششش وطي صوت ليسمعوكي، أما بخصوص التعليم فدا هاخليه للمسئولين في مصر هما الي يعلقو عليكي".

وكتب يحيي اللوزي: "الـ 90 جنيه دول يعنى تقريبا 5.5 فرانك سويسري، أو 6 دولار فمش حاجة يعني، بالنسبة لأي واحد سويسري أو اي حد فأوروبا، إحنا اللي عملتنا في الأرض، مع الأخذ ف الاعتبار كمان، فرق متوسط المرتبات بين مصر وسويسرا".