"#ارحل_ياسيسي" يعود إلى الترند رداً على تصريحاته مع ماكرون

"#ارحل_ياسيسي" يعود إلى الترند رداً على تصريحاته مع ماكرون

29 يناير 2019
الناشطون ذكّروا السيسي بمطالب رحيله (لودوفيتش مارتن/فرانس برس)
+ الخط -
لم يجد رواد مواقع التواصل الاجتماعي في مصر، غير إعادة التدوين على وسم "#ارحل_يا سيسي" و"#ارحل_يا_سيسي"، للرد على تصريح الرئيس عبد الفتاح السيسي، أثناء المؤتمر الصحافي مع الرئيس الفرنسي إيمانويل ماكرون "أنا في موقعي ده أرفض أكون موجود ضد إرادة المصريين ولو غالبية المصريين رافضين وجودي هتخلى عن موقعي فورا".

وغرد ناشطون، مذكرين السيسي بالمطالبة برحيله عبر الوسم، والذي تصدر قائمة الأكثر تداولاً المصرية والعالمية لأيام، كدليل على أن وجوده في منصبه ضد إرادتهم، متحدين السيسي أن يستجيب لرغبتهم كما زعم.

وذكر حساب "ميدان رابعة العدوية" السيسي: "‏‎من زمن فات في بداية هاشتاج #ارحل_يا_سيسي استمر 5 أيام وبعدها عدى واستمر أكتر من 5 أيام والكل قال ارحل يا سيسي".

وغردت سناء: "‏مش قد الشيلة متشيلش .. مش عارف ‎#ارحل_يا_سيسي لأن دورك إنك تعرف ولأن المليارات اللي اتصرفت لرفع الروح المعنوية ولبناء مساجد وكنائس في الصحراء علشان تاخد اللقطة كان ممكن تعمل بيها مشاريع اقتصادية وتشغل الشباب اللي بيطفش من البلد ببساطة".

وكتبت ثناء وناس: "‏تاني بيقول لو عايزني أمشي حامشي .. ماتمشي ياعم بقالنا خمس سنين نقولك على جنب يااسطى نزلنا هنا يا باشمهندس وأنت سايق الاستعباط على آخر سرعة. #ارحل_يا_سيسي".

وقال إبراهيم صابر: "‏بلحة الأقرع: لو المصريين مش عاوزني همشي فورا.. دانت كنت زعلان من ‎#ارحل_يا_سيسي واشتكيت لطوب الأرض ما ترحل يا عم وريحنا".

وخاطبه محمد إبراهيم، قائلا: "‏‎غور في داهية انت بس واحنا هنبقى زي الفل.. رجعوا تاني الهاشتاغ ‎#ارحل_يا_سيسي يمكن مفهمش إن الرأي العام مش طايقة.. ارحل يعني امشي".
وقال درويش باختصار: "‏‎#ارحل_يا_سيسي.. أنا لا أقبل وجودك يا عبد الفتاح".

وسخرت باكينام: "‏طيب ما تمشي بقالنا 5 سنين بنقولك غور نقولهالك بكل اللغات! يمكن تفهم؟! طيب حد يعرف لغة النخل أو البلح يا جماعة يمكن يفهم .. يا نااس عايزينه يغووور يا ناااس.. يا أم نياظى صحي نياظى يقول للسيسي. #ارحل_يا_سيسي".

وطالب ناصر رواد مواقع التواصل الاجتماعى: "‏يلا يا جماعة اشتغلوا ع الهاشتاج تاني وسمعوه. #ارحل_يا_سيسي". وسخر محمود: "‏السيسي جايب ماكرون اللي عمال يشتري منه السلاح المتخزن عنده في المخازن وبيقول أنا هنا بإرادة مصرية .. فين أيام ما طلع يعيط ويقول تعملوا هشتاج ارحل ليه أنا وحشة واللا إيه. ‎#ارحل_يا_سيسي".

وأكد كريم المحلاوي: "‏هو بيحكم بإرادة عسكرية مش إرادة مصرية وعلى العموم نقول تاني. #ارحل_يا_سيسي".


المساهمون