سخرية من مشروع السيسي "عقل جامع" لتأمين بيانات المصريين

وتعليقاً على إعلان السيسي عن المشروع، قال محمود أيمن: "السيسي بيهدر أموال الشعب على مشروعات وهمية"، ما أيده مصطفى نصر، قائلاً: "عقل إيه بس، إحنا لو عندنا عقل كنا حطينا (وضعنا) هذا الرقم"، بينما قال هشام عبد الحميد متهكماً: "يا محمد انزل البلد بسرعة لاقينا بيانات الدولة المصرية، ومحتاجين حد أمين يشيلها على عمق 14 متر".

بدوره تهكّم عادل شعبان بالقول: "آه يا لئيم، عامل كده عشان لما المفاعل النووي ينفجر"، فيما قال عمرو داوود: "يكونش ده المعنى الحقيقي للدولة العميقة، وإحنا كنا فاهمين غلط"، وقال أحمد فرغلي: "ياريت كنت توفر بيهم كام مستشفى وكام مدرسة، بدلاً من هدر المليارات ده".

وقال محمد شرقاوي: "‏مش فاهم إيه لازمة معلومة أنها على عمق 14 متر يعني... هل كده اتطمنت إن بياناتي سرية، ومتحافظ عليها يعني ولا ايه؟!"، في حين قال تامر هشام: "ليه يعني إحنا لسنا في أميركا أو الصين أو ألمانيا عشان نعمل حاجة بالصوره دي... تكاليف زائدة جداً، وإحنا (الشعب) أولى بيها".

وسخر محمد أمين، قائلاً: "الحكومة المصرية تُعلن بناء أتفه data center في العالم بالعاصمة الإدارية الجديدة"، وقال محمد راشد، مستنكراً: "ملياراتك كتير، وإحنا فقراء أووووي!".

وقال طارق سلامة: "14 متراً تحت الأرض؟ أنا بس خايف لأحسن المجاري تطفح عليها ولا حاجة... ما دول 25 مليار يعني!"، وقال أحمد عبده: "ياعم حرام عليك والله، اعمل حاجة للشعب الغلبان، بلاش فشخرة كاذبة... اعمل مستشفيات، ومصانع، ومدارس، بدل كل المليارات دي على الفاضي".